మా పరిస్థితేంటి అన్న నాగ్‌!

బిగ్‌బాస్‌ హౌస్‌లో తొలి వీకెండ్‌ కదా… ఈ రోజు మంచిగా గానా బజానా కార్యక్రమం ఏర్పాటు చేసినట్లున్నారు. గత సీజన్ల కంటే ఈసారి డ్యాన్స్‌ బాగా చేసే పార్టిసిపెంట్లు వచ్చినట్లున్నారు. అందుకే బిగ్‌బాస్‌ ఈ రోజు డ్యాన్సింగ్‌ టాస్క్‌ పెట్టాడు. ఇంట్లో ఉన్న పార్టిసిపెంట్లలో ఇద్దరేసి ఒకే పాటకు డ్యాన్స్‌ వేసేలా టాస్క్‌ ఇచ్చాడు. అందులో ఎవరెవరు ఏ పాటకు డ్యాన్స్‌ వేశారో ఇంతకుముందు వార్తలో చదివే ఉంటారు. అయితే లాస్య, సూర్యకిరణ్‌ వంతు వచ్చేసరికి నాగ్‌ భయపడిపోయాడు.

‘రాములో రాములా.. ’ పాటకు లాస్య ఓవైపు, సూర్యకిరణ్‌ మరోవైపు డ్యాన్స్‌ వేశారు. పాట జోరందుకునేసరికి లాస్య తనదైన శైలిలో మంచి మూమెంట్స్‌ చేసింది. ఇక ఆమెను మ్యాచ్‌ చేయడానికి సూర్యకిరణ్‌ చొక్కా విప్పేసి డ్యాన్స్‌ వేశాడు. లోపల టీషర్ట్‌ ఉందనుకోండి. ఇక్కడే నాగ్‌ ఓ జోకేశాడు. ‘ఆపేయండి బాబోయ్‌…’ డ్యాన్స్‌ వార్‌ నిలిపేశాడు. ‘తర్వాత బనియన్‌ కూడా తీసేస్తే… మా పని ఔట్‌’ అంటూ పంచ్‌ కూడా వేశాడు. ఆయన పనేమో కానీ… అక్కడి హౌస్‌మేట్స్‌ పని, ఇంట్లో టీవీలు చూస్తున్నవాళ్ల పని కూడా ఔటే.. ఏమంటారు?