దిల్ రాజుతో కళ్యాణ్ రామ్ మూవీ ఫిక్స్..!

December 28, 2020 / 09:56 PM ISTByFilmy Focus

Join Us

సక్సెస్ ఫుల్ ప్రొడ్యూసర్ దిల్ రాజు ఎప్పుడూ.. ట్యాలెంటెడ్ హీరోలతోనూ,ట్యాలెంటెడ్ దర్శకులతోనూ వెంటనే సినిమాలు చెయ్యడానికి ఇంట్రెస్ట్ చూపిస్తూ ఉంటాడు. అయితే ఆయన చాలా మంది హీరోలతో సినిమాలు చెయ్యాలని ప్రయత్నించి.. విఫలమైన సందర్భాలు కూడా ఉన్నాయి. పవర్ స్టార్ పవన్ కళ్యాణ్ తో సినిమా చెయ్యడానికి.. 17ఏళ్ళ వరకూ టైం తీసుకున్నాడు దిల్ రాజు. ఇక చిరంజీవి, బాలకృష్ణ వంటి స్టార్లతో కూడా సినిమాలు చెయ్యాలని ఎన్నో ఏళ్లుగా ఎదురుచూస్తున్నాడు.

అంతేకాదు కళ్యాణ్ రామ్ వంటి మీడియం రేంజ్ హీరోతో కూడా సినిమా చెయ్యాలని ఏకంగా 15 ఏళ్ళ నుండీ వెయిటింగ్ అట. వివరాల్లోకి వెళితే.. 2005 లో వచ్చిన కళ్యాణ్ రామ్ సూపర్ హిట్ చిత్రం ‘అతనొక్కడే’ టైం నుండే అతనితో ఓ సినిమా చెయ్యాలని దిల్ రాజు ట్రై చేసాడట. కానీ అందుకు మ్యాచ్ అయ్యే స్క్రిప్ట్ దొరకలేదు. కళ్యాణ్ రామ్ కూడా ఓ నిర్మాతే కాబట్టి.. ఇద్దరూ కలిసి ఓ సినిమా నిర్మించాలని కూడా అనుకున్నారట. అది కూడా కుదర్లేదు.

అయితే ఇన్నాళ్టికి కళ్యాణ్ రామ్ హీరోగా దిల్ రాజు నిర్మాణంలో ఓ చిత్రం రాబోతున్నట్టు సమాచారం. ‘డు ఆర్ డై’ అనే టైటిల్‏ తో ఆ చిత్రం ఉండబోతుందని ఇన్సైడ్ టాక్. అయితే ఈ చిత్రం దర్శకుడు ఎవరు.. నటీనటుల వివరాలు మాత్రం తెలియాల్సి ఉంది. సరికొత్త కథలను దర్శకులను ఎంకరేజ్ చెయ్యడంలో కళ్యాణ్ రామ్ ముందుంటాడు. ఇక దిల్ రాజు సినిమా అంటే మినిమం గ్యారెంటీ..! కాబట్టి ఇది క్రేజీ కాంబో అనే చెప్పొచ్చు.