టాలీవుడ్ టాప్ దర్శకుడు రాజమౌళి….‘బాహుబలి’ సినిమాను తీసి జాతీయస్థాయిలోనే కాకుండా అంతర్జాతీయంగా పేరు తెచ్చుకున్నాడు. ఈ సినిమాతో ఆయన సాధించిన ఘన విజయం అంతా ఇంతా కాదు. ఇదిలా ఉంటే తాజాగా క్రిష్ దర్శకత్వంలో నందమూరి నటసింహం నటిస్తున్న… ‘గౌతమీపుత్ర శాతకర్ణి’ సినిమాకు సంబంధించి వస్తున్న వార్తలు జక్కన్నను టెన్షన్ పడుతున్నాయని టాలీవుడ్ లో బలంగా వినిపిస్తున్న టాక్.దీనికి కారణం బాలయ్య సినిమాకు సంబంధించిన శరవేగ చిత్రీకరణ అని తెలుస్తుంది.
తాజాగా మొరాకాలో మొదటి షెడ్యూల్ పూర్తి చేసుకున్న శాతకర్ణి చిత్రం ఎన్నో హాలీవుడ్ చిత్రాలు షూటింగ్ జరుపుకునే మొరాకోలోని అద్భుతమైన లోకేషన్స్ లో ఇంత పెద్ద షెడ్యూల్ చిత్రీకరణను జరుపుకోవడం, అదీ కాకుండా ఈ లోకేషన్ లో షూటింగ్ జరుపుకున్న మొదటి తెలుగు సినిమాగా రికార్డు క్రియేట్ చేయడం రాజమౌళికి ఊహించని షాక్ గా మారింది అని టాక్. ప్రస్తతం ‘బాహుబలి’ కన్ క్లూజన్ కోసం తీవ్ర కసరత్తు చేస్తున్నా రిలీజ్ డేట్ ప్రకటించిన సమయానికి ఈ సినిమా అన్ని పనులు పూర్తి చేసుకుని విడుదల అవుతుందా అన్న సందిగ్దంలో ఉన్నాడట మన జక్కన్న.
దీనితో ‘బాహుబలి’ కి ధీటుగా విజువల్ ఎఫెక్ట్స్తో తెరకెక్కుతున్న బాలయ్య 100వ సినిమా శరవేగంగా షూటింగ్ జరుపుకుంటుండటంతో ఈమధ్య రాజమౌళి తన టీంను పిలిచి పెద్ద క్లాస్ తీసుకున్నాడట. పనిలో వేగం పెంచాలని సూచించాడట. ‘బాహుబలి’ రెండోపార్ట్ కంటే ముందే ‘గౌతమీపుత్ర శాతకర్ణి’ విడుదల అవుతున్న నేపధ్యంలో ఏ మాత్రం అశ్రద్ద చేసిన ‘బాహుబలి 2’ అంచనాలాలో తేడాలు వస్తాయని రాజమౌళి తెగ టెన్షన్ పడుతున్నట్లు టాక్…బాలయ్యనా..మజాకా!!!
