యువన్ కృష్ణ ఎంటర్టైన్మెంట్స్, మనస్విని భాగ్యరాజా సమర్పణలో కార్తీక్ భాగ్యరాజా రచన, దర్శకత్వంలో రూపొందిన చిత్రం ‘డియర్ ఆస్ట్రోనాట్’(Dear Astronaut). ఈ చిత్రంలో అత్యంత కీలక పాత్ర పోషిస్తున్న గౌతమ్ వాసుదేవ్ మీనన్ లుక్ కి సంబంధించిన పోస్టర్ వదిలారు. ‘డియర్ ఆస్ట్రోనాట్’ చిత్రంలో డేవిడ్ థామస్గా గౌతమ్ వాసుదేవ్ మీనన్ కనిపించబోతోన్నారు. ఈ సినిమాలో ఆయన లుక్ డిఫరెంట్గా ఉండబోతోందని పోస్టర్ ద్వారా క్లారిటీ ఇచ్చారు.
ఈ చిత్రంలో ఆయన పాత్ర ఎంతో ప్రత్యేకంగా ఉంటుందని, ఆయన క్యారెక్టర్ ఈ ప్రాజెక్ట్కు ఆసక్తికరంగాను హైలైట్ గా నిలుస్తుంది. ‘డియర్ ఆస్ట్రోనాట్’ అనేది అంతరిక్షంలోకి ప్రయాణించాలనే ఓ యువతి కథ. చిన్నప్పటి నుంచి అంతరిక్షంలోకి వెళ్లాలని, నక్షత్రాల మధ్య విహరించాలని కలలు కనే ఒక మహిళ కథే “డియర్ ఆస్ట్రోనాట్” చిత్రం. ఆ అసాధారణమైన కలను సాకారం చేసుకోవడానికి ఆమె సాగించే ప్రయాణాన్ని ఈ చిత్రంలో అద్భుతంగా చూపించబోతోన్నారు.
ఆకాశాన్ని అందుకోవాలనే ఆమె ఆశయం వెనుక ఉన్న సవాళ్లు, పట్టుదల, ఆశ, భావోద్వేగాలను ఇందులో గొప్పగా చిత్రీకరించారు.సినిమా షూటింగ్ పూర్తి అయింది. అక్టోబర్లో సినిమాని విడుదల చేయాలని మేకర్స్ ప్లాన్ చేస్తున్నారు. ఇకపై ఈ సినిమాలోని ప్రతీ పాత్రను పరిచయం చేస్తూ ఇలా ‘క్యారెక్టర్ రివీల్ వీక్’ను కూడా ప్రారంభించింది. ఇందులో భాగంగా గౌతమ్ వాసుదేవ్ మీనన్ని డేవిడ్ థామస్గా పరిచయం చేశారు.
మున్ముందు ‘డియర్ ఆస్ట్రోనాట్’ ప్రపంచానికి సంబంధించిన మరిన్ని పాత్రలు, ఫస్ట్-లుక్ పోస్టర్లు, ఆసక్తికరమైన అప్డేట్లు రానున్నాయి. ‘డియర్ ఆస్ట్రోనాట్’ చిత్రానికి కార్తీక్ బి కొడకండ్ల సంగీతాన్ని అందించారు. అక్టోబర్లో ఈ సినిమాని గ్రాండ్గా రిలీజ్ చేయబోతోన్నారు.
