అంజలి టైటిల్ రోల్ పోషించిన ‘గీతాంజలి’ చిత్రం 2014 లో రిలీజ్ అయ్యి కమర్షియల్ సక్సెస్ అందుకుంది.10 ఏళ్ళ తర్వాత ఈ చిత్రానికి ‘గీతాంజలి మళ్ళీ వచ్చింది’ పేరుతో సీక్వెల్ రూపొందుతుంది. త్వరలోనే ప్రేక్షకుల ముందుకు రాబోతున్న ఈ చిత్రాన్ని ‘కోన ఫిల్మ్స్ కార్పొరేషన్’, ‘ఎం.వి.వి.సినిమాస్’ బ్యానర్స్‌పై కోన వెంకట్ ఎంతో ప్రతిష్టాత్మకంగా ఈ చిత్రాన్ని నిర్మిస్తున్నారు. అంజలి కెరీర్లో ఇది 50వ చిత్రం. ఇది కూడా హారర్ కామెడీ నేపథ్యంలోనే తెరకెక్కుతుంది.
ఇదిలా ఉండగా.. ‘గీతాంజలి మళ్ళీ వచ్చింది’ చిత్రానికి సంబంధించిన టీజర్ రిలీజ్ కి మేకర్స్ ప్లాన్ చేశారు. ఇది కూడా వింత పద్దతిలో.! వివరాల్లోకి వెళితే.. ఫిబ్రవరి 24 , రాత్రి 7 గంటలకు బేగంపేట శ్మశానంలో ‘గీతాంజలి మళ్ళీ వచ్చింది’ టీజర్‌ను విడుదల చేయబోతున్నారు.హారర్ నేపథ్యం ఉన్న సినిమా కావడంతో చిత్ర బృందం ఇలాంటి నిర్ణయం తీసుకుంది. ఇది వినడానికి విడ్డూరంగా ఉన్నా.. సినిమా పబ్లిసిటీకి బాగా ఉపయోగపడుతుంది అనేది చిత్ర బృందం ఆలోచన కావచ్చు.
అయితే ఈ న్యూస్ బయటకు వచ్చినప్పటి నుండి చిత్ర బృందాన్ని కొంతమంది నెటిజెన్లు ట్రోల్ చేస్తుండటం గమనార్హం. ఇక ‘గీతాంజలి’ లో కథ ఎక్కడైతే ముగిసిందో అక్కడి నుండే ‘గీతాంజలి మళ్ళీ వచ్చింది’ కథ ప్రారంభం అవుతుంది. తెలుగుతో పాటు తమిళ, కన్నడ, మలయాళ భాషల్లో ఈ ఏడాది ప్రథమార్థంలో ఈ చిత్రాన్ని విడుదల చేయనున్నారు. కొరియోగ్రాఫ‌ర్ శివ తుర్లపాటి ఈ చిత్రంతో దర్శకుడిగా పరిచయమవుతున్నాడు.
‘యానిమల్’ ఫైనల్ గా ఎంత కలెక్ట్ చేసింది.. లాభం ఎంత?
ఈ వారం థియేటర్/ ఓటీటీల్లో స్ట్రీమింగ్ కాబోతున్న 15 సినిమాలు/ సిరీస్ .. ల లిస్ట్.!
కోపంతో ఊగిపోయిన మిడ్ రేంజ్ హీరో.. ఏం అయ్యిందంటే?
