హీరోయిన్లని మన వాళ్ళు ఎక్కువగా నార్త్ నుండి తీసుకొస్తారు. అది ఆనవాయితీగా కూడా వస్తుంది. ‘గ్లామర్ రోల్స్ చేయడానికి వాళ్ళు ఇబ్బంది పడకుండా చేస్తారు’ అనే అభిప్రాయంతో మన దర్శక నిర్మాతలు ఎక్కువగా అక్కడి నుండి హీరోయిన్లను తీసుకొస్తారు. ఇది ఓపెన్ ఫాక్ట్.
అయితే సౌత్ సినిమాలతో పాపులర్ అయినప్పటికీ కొంతమంది హీరోయిన్లు సౌత్ సినిమాల గురించి, ఇక్కడి ఫిలిం మేకర్స్ గురించి నెగిటివ్ కామెంట్స్ చేసిన సందర్భాలు ఉన్నాయి. కానీ సీనియర్ స్టార్ హీరోయిన్ జెనీలియా (Genelia) మాత్రం సౌత్ సినిమాల గురించి గొప్పగా మాట్లాడి టాపిక్ అయ్యింది. సౌత్ సినీ పరిశ్రమ పట్ల ఆమె చాటుకున్న విధేయతని మెచ్చుకుంటున్నారు.
‘సౌత్ సినిమాల్లో హీరోయిన్లకి సరైన ప్రాధాన్యత ఇవ్వరు కదా’ అంటూ యాంకర్ జెనీలియా (Genelia) ని ప్రశ్నించాడు. దీనిని జెనీలియా (Genelia) తోసిపుచ్చింది. ‘అది వట్టి అపోహ మాత్రమే. నాకు అయితే మంచి పాత్రలే దొరికాయి. కథా ప్రాధాన్యత కలిగిన పాత్రలే ఇచ్చారు. ఇప్పటికీ నేను హైదరాబాద్ కి వెళ్తే ‘హే హాసిని అంటారు’ , చెన్నై వెళితే.. ‘హే హరిణి’ అంటారు, మలయాళం వెళితే.. ‘ఇషా’ అంటారు.
ఇలా ఆ పాత్రలతో నన్ను ఓన్ చేసుకున్నారు. గుర్తింపు కావాలి అనుకున్నప్పుడు అన్ని రకాల పాత్రలు చేయాలి. కొత్త హీరో.. పాత హీరో అని చూడకుండా మనకి నచ్చిన పాత్రలు చేయాలి. నేను శంకర్ (Shankar), రాజమౌళి (S. S. Rajamouli), శ్రీను వైట్ల (Srinu Vaitla) వంటి అగ్ర దర్శకులతో సినిమాలు చేయగలిగాను’ అంటూ జెనీలియా (Genelia) చెప్పుకొచ్చింది.
