సినీ పరిశ్రమలో వరుస విషాదాలు చోటు చేసుకుంటున్నాయి. ఈ మధ్య కాలంలో రోజుకొక భాషకు చెందిన సినిమా ప్రముఖులు మృతి చెందుతున్న సందర్భాలు మనం చూస్తూనే ఉన్నాం. తమిళ, మరాఠీ, బెంగాల్.. సినీ పరిశ్రమకు చెందిన నటులు మరణించడం మనం చూశాం. ఇక టాలీవుడ్లో అయితే వరుస విషాదాలు చోటు చేసుకోవడం అందరిలోనూ ఆందోళన కలిగిస్తుంది. ఒకప్పటి స్టార్ హీరోయిన్ మీనా భర్త విద్యాసాగర్ పోస్ట్ కోవిడ్ సమస్యలతో మరణించారు.
అలాగే ఆర్.నారాయణ మూర్తి తల్లి, సీనియర్ జర్నలిస్ట్ గుడిపూడి శ్రీహరి, మొన్నటికి మొన్న సీనియర్ ఎడిటర్ గౌతంరాజు, నిన్న నిర్మాత గోరంట్ల రాజేంద్రప్రసాద్ మృతి చెందడంతో ఇండస్ట్రీలో విషాదఛాయలు అల్లుకున్నాయి. తాజాగా ‘గాడ్ ఫాదర్’ నటుడు మరణించడంతో అంతా షాకయ్యారు. వివరాల్లోకి వెళితే.. హాలీవుడ్ ‘గాడ్ ఫాదర్’ నటుడు జేమ్స్ కాన్ ఈరోజు కన్నుమూశారు. ఈయన వయసు 82 ఏళ్లు. 1963 వ సంవత్సరం నుండి 2021 వ సంవత్సరం వరకు కూడా ఆయన ఎన్నో సూపర్ హిట్ చిత్రాల్లో నటించారు.
‘గాడ్ ఫాదర్’ లో ఈయన క్రైమ్ బాస్ వీటో కార్లియోన్ పెద్ద కొడుకు గా నటించాడు . సోనీ కార్లియోన్ పాత్రలో ఈయన అద్భుతంగా నటించాడు. తర్వాత రోలర్ బాల్, థీఫ్, మిజరీ,రోబ్ రీనర్స్ వంటి చిత్రాల్లో కూడా నటించి మంచి పేరు సంపాదించుకున్నాడు.ఈయన సినీ కెరీర్లో ఎన్నో అవార్డులు, రివార్డులు కూడా అందుకున్నారు. ఒకానొక టైంలో ఈయన ఆస్కార్ కు కూడా నామినేట్ అయ్యారు.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
