‘బాహుబలి’ (Baahubali) సినిమాల తర్వాత సరైన విజయం లేదు అని బాధపడుతున్న ఫ్యాన్స్‌కి ‘సలార్‌’ (Salaar) సినిమాతో భలే కిక్‌ ఇచ్చారు ప్రభాస్(Prabhas) . ఆ తర్వాత కూడా అదే జోరును కొనసాగించాలని ఫ్యాన్స్‌ ఆశిస్తున్నారు. ఈ క్రమంలో నెక్స్ట్‌ రాబోయే సినిమాలు ‘కల్కి 2898 ఏడీ’ (Kalki 2898 AD), ‘సలార్‌ 2’ మీదే అందరి చూపూ ఉంది. ముందుగా వచ్చేది ‘కల్కి’ కాబట్టి ఎప్పుడు వస్తుందా అని ఎదురుచూస్తున్నారు. అదేంటి మే 9 అన్నారు కదా అనుకుంటున్నారా? ఆ రోజు రావడం లేదు అనేది తేలిపోయింది.
అవును, ‘కల్కి 2898 ఏడీ’ సినిమాను మే 9న తీసుకొచ్చే పరిస్థితి లేదు అని సినిమా వర్గాల సమాచారం. ఇంకా నెల రోజులే సమయం ఉన్నందున ఆ రోజున సినిమాను తీసుకొచ్చే పరిస్థితి లేదట. దీంతో ఈ సినిమాకు కొత్త డేట్‌ను అనౌన్స్‌ చేయడానికి టీమ్‌ ముహూర్తం పెట్టుకుంది అంటున్నారు. ఈ నెల 17న సినిమా టీమ్‌ నుండి ఆసక్తికర అప్డేట్ ఉంటుంది అని చెబుతున్నారు. ఆ అప్డేట్ సినిమా రిలీజ్ డేటే అవుతుంది అని అంచనా వేస్తున్నారు ఫ్యాన్స్‌.
ఇప్పటివరకు ఉన్న సమాచారం ప్రకారం అయితే ఈ సినిమాను మే 30న కానీ, జూన్‌ 20న కానీ రిలీజ్ చేయాలని చూస్తున్నారట. మే 30 అంటే ఎన్నికల హడావుడి ఉంటుంది కాబట్టి… జూన్‌ 20కి ఓటేయొచ్చు అనే చర్చ నడుస్తోంది. అయితే స్కూల్స్‌ స్టార్ట్‌, వర్షాలు ప్రారంభం లాంటి ఫ్యాక్టర్లను టీమ్‌ పరిశీలిస్తోందట. మే 30 అయితే కాస్త ఎక్కువ స్పాన్‌ ఉంటుంది అనేది మరో ఆలోచన అని చెబుతున్నారు.
పైన చెప్పింది బ్యాడ్‌ న్యూస్‌ ఎందుకంటే లేటు అవుతోంది కాబట్టి. ఇక గుడ్‌ న్యూస్‌ విషయానికొస్తే… ‘కల్కి 2898 ఏడీ’ రిలీజ్ అయిన వెంటనే ప్రభాస్ ‘సలార్‌ 2’పై దృష్టి పెడతాడని అంటున్నారు. ఈ సినిమా వచ్చే వేసవిలో ప్రేక్షకుల ముందుకు తీసుకురావాలనేది ఆయన ఆలోచనట. అన్నీ అనుకున్నట్లుగా జరిగితే మే నుండే షూటింగ్‌ ప్రారంభిస్తారని చెబుతున్నారు. అలా అయితే ‘రాజా సాబ్‌’(The Rajasaab) , ‘స్పిరిట్‌’ (Spirit), హను రాఘవపూడి (Hanu Raghavapudi) సినిమాలు కాస్త ఆలస్యం అవ్వొచ్చు.
Home