Hansika: మరో డిఫరెంట్ కాన్సెప్ట్ తో స్టార్ హీరోయిన్!

‘దేశముదురు’ సినిమాతో టాలీవుడ్ కి పరిచయమైన బ్యూటీ హన్సిక. ఆ తరువాత ఎన్టీఆర్, రవితేజ లాంటి స్టార్ హీరోలతో కలిసి పని చేసింది. టాలీవుడ్ లో కెరీర్ పీక్స్ లో ఉన్నప్పుడే కోలీవుడ్ కి వెళ్లి స్టార్ హీరోయిన్ గా సెటిల్ అయింది. అక్కడి బడా హీరోలు విజయ్, సూర్య, విశాల్ లాంటి వాళ్లతో కలిసి నటించింది. తెలుగులో ఆమెకి అవకాశాలు లేనప్పటికీ.. తమిళంలో మాత్రం బిజీ హీరోయిన్ గా మారిపోయింది.

కొత్త హీరోయిన్ల జోరు పెరగడంతో ఈ మధ్యకాలంలో హన్సికకి అవకాశాలు తగ్గాయి. స్టార్ హీరోల సరసన కమర్షియల్ సినిమాల్లో ఛాన్స్ లు రానప్పటికీ.. ప్రయోగాత్మక చిత్రాల వైపు అడుగులు వేస్తోంది. ఇందులో కొన్ని లేడీ ఓరియెంటెడ్ కథలు కూడా ఉన్నాయి. తాజాగా ఈ బ్యూటీ మరో డిఫరెంట్ కథలో నటించడానికి అంగీకరించింది. ఇండియన్ స్క్రీన్ మీద ఇప్పటివరకు రాని ఓ సరికొత్త సినిమా ఇది. ఒకే క్యారెక్టర్ తో, సింగిల్ షాట్ లో తీయబోయే సినిమాలో హన్సిక నటించబోతుంది.

ఆ సినిమా పేరు ‘105 మినిట్స్’. రాజు దుస్సా అనే కొత్త దర్శకుడు రూపొందిస్తోన్న ఈ సినిమాను రుద్రాన్ష్ సెల్యులాయిడ్ బేనర్ మీద బొమ్మక్ శివ నిర్మిస్తున్నాడు. ఇందులో హన్సిక తప్ప ఇంకెవరూ కనిపించరు. కాన్సెప్ట్ బేస్డ్ సినిమాగా తెరకెక్కుతోన్న ఈ సినిమాకి ఎడిటింగ్ లేకుండా కంటిన్యుటీతో ఒకే షాట్ లో కథ మొత్తం చెప్పేస్తారట. ఇలాంటి ప్రయోగాత్మక సినిమాలు ఇప్పటివరకు ఇండియన్ స్క్రీన్ పై రాలేదు. మరి ఇలాంటి కథతో హన్సిక మరోసారి తన హవా సాగిస్తుందేమో చూడాలి..!

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!