పవన్ కళ్యాణ్ (Pawan Kalyan) హరీష్ శంకర్ కాంబినేషన్ లో గబ్బర్ సింగ్ తర్వాత మరో ప్రాజెక్ట్ తెరకెక్కుతున్న సంగతి తెలిసిందే. ఉస్తాద్ భగత్ సింగ్ టైటిల్ తో ఈ సినిమా తెరకెక్కుతుండగా ఈ సినిమాతో హరీశ్ శంకర్ కచ్చితంగా సక్సెస్ సాధించాల్సి ఉంది. ఈ సినిమా తెరి సినిమాకు రీమేక్ అని ప్రచారంలోకి వస్తున్న వార్తలు ఫ్యాన్స్ ను ఒకింత కంగారు పెడుతున్నాయి. అయితే మంత్రి మల్లారెడ్డి ఈ సినిమాలో విలన్ గా ఆఫర్ వచ్చిందని తాను రిజెక్ట్ చేశానని చెప్పిన సంగతి తెలిసిందే.
ఈ విషయం తెలిసి పవన్ హరీశ్ శంకర్ పై సీరియస్ అయ్యారని ఇండస్ట్రీ వర్గాల్లో వినిపిస్తోంది. పవన్ ఒకవైపు హీరోగా కెరీర్ ను కొనసాగిస్తూనే మరోవైపు జనసేన పార్టీ అధినేతగా ఉన్నారు. ప్రస్తుతం జనసేన బీజేపీ పార్టీల మధ్య పొత్తు ఉంది. తెలంగాణ బీజేపీ, బీ.ఆర్.ఎస్ పార్టీల నేతలు తరచూ ఒకరిపై మరొకరు విమర్శలు చేసుకుంటున్న సంగతి తెలిసిందే. ఏపీ రాజకీయ నేత హీరోగా తెలంగాణ మంత్రి విలన్ గా నటిస్తే పొలిటికల్ గా కూడా వివాదం చెలరేగే ఛాన్స్ అయితే ఉంది.
పవన్ కు సమాచారం ఇవ్వకుండా హరీశ్ శంకర్ మల్లారెడ్డిని సంప్రదించారని అలా చేయడం పవన్ కళ్యాణ్ నచ్చలేదని ఇండస్ట్రీ వర్గాల టాక్. ఈ సినిమాలో హీరోయిన్లకు సంబంధించి కూడా స్పష్టత రావాల్సి ఉంది. ఈ మూవీలో మాళవిక మోహనన్ కు ఛాన్స్ వచ్చిందని ప్రచారం జరగగా ఆ ప్రచారంలో నిజం లేదని తేలిపోయింది. పవన్ హరీష్ కాంబో మూవీ మరికొన్ని రోజుల్లో సెట్స్ పైకి వెళ్లనుంది.
ఇప్పటికే వినోదాయ సిత్తం రీమేక్ ను పూర్తి చేసిన పవన్ కళ్యాణ్ తర్వాత సినిమాలను కూడా వేగంగా పూర్తి చేయడంపై దృష్టి పెట్టారని తెలుస్తోంది. పవన్ హరీశ్ శంకర్ కాంబో మూవీ షూట్ అనుకున్న విధంగా పూర్తైతే 2024 సంక్రాంతి రేసులో ఈ సినిమా కూడా ఉంటుందని తెలుస్తోంది. 2024 సంక్రాంతి రేసులో పవన్ నిలుస్తారో లేదో స్పష్టత రావాలంటే మరి కొంతకాలం ఆగాల్సిందే.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
