టాలీవుడ్ లో ఉన్న టాప్ డైరెక్టర్స్ లో హరీష్ శంకర్ ఒకరు. ఇతడు సోషల్ మీడియాలో చాలా యాక్టివ్ గా ఉంటారు. తన సినిమాలకు సంబంధించిన అప్డేట్స్ ని సోషల్ మీడియాలో షేర్ చేస్తుంటారు హరీష్ శంకర్. ప్రస్తుతం ఆయన పవన్ కళ్యాణ్ తో సినిమా చేస్తున్నారు. ఈ ప్రాజెక్ట్ కి సంబంధించి ఇంతకముందు అభిమానులకు ఎప్పటికప్పుడు అప్డేట్స్ ఇస్తూ ఉండేవారు. కానీ ఈ మధ్యకాలంలో అలా చేయడం లేదు.
కొన్నాళ్లుగా పవన్ ఫ్యాన్స్ ను పెద్ద ఎత్తున ట్విట్టర్ లో బ్లాక్ చేస్తూ వస్తున్నారు హరీష్ శంకర్. ఇదంతా ఫ్యాన్స్ చేసిన అతి వలనే అని చెబుతున్నారు హరీష్ శంకర్. తాను కూడా పవన్ కళ్యాణ్ అభిమానుల్లో ఒకడిని కావడం వలన.. తన ఎగ్జైట్మెంట్ ను ఇంతకముందు అభిమానులతో పంచుకునేవాడినని.. పవన్ ని కలిసినా, ఒక మంచి డైలాగ్ రాసినా.. ఫ్యాన్స్ తో షేర్ చేసుకునేవాడిని అని హరీష్ శంకర్ చెప్పారు.
అయితే ఈ మధ్యకాలంలో ఫ్యాన్స్ చేసిన అతి వలన తాను హర్ట్ అయినట్లుగా హరీష్ శంకర్ ఓ ఇంటర్వ్యూలో చెప్పుకొచ్చారు. పవన్ తో హరీష్ చేయబోతున్న ‘ఉస్తాద్ భగత్ సింగ్’ ప్రారంభోత్సవానికి ముందు ఫ్యాన్స్ పెద్ద ఎత్తున ట్రోల్ చేశారు. ఇది తమిళ సినిమా ‘తేరి’ రీమేక్ అని, ఈ ప్రాజెక్ట్ ని క్యాన్సిల్ చేయాలంటూ గొడవ చేశారు. ఈ విషయంలో హరీష్ శంకర్ హర్ట్ అయ్యారు. ‘ఉస్తాద్ భగత్ సింగ్’ సినిమా రీమేకా..? కాదా..?
ఒకవేళ రీమేక్ అయితే దాన్ని తెరపై ఎలా చూపించామనే విషయం గురించి ఇప్పట్లో మాట్లాడనని చెప్పారు హరీష్. ఇంతకముందు అభిమానులతో ప్రతీ విషయాన్ని పంచుకునేవాడినని.. కానీ ఈ మధ్య సోషల్ మీడియాలో వాళ్లు చేసి అతి చూసి ఇకపై వాళ్లకు ఏమీ చెప్పకూడదని ఫిక్స్ అయినట్లు చెప్పుకొచ్చారు. ఇక పవన్ సినిమాను వీలైనంత త్వరగా పూర్తి చేయాలనుకుంటున్నట్లు.. అన్నీ కుదిరితే 2024 సంక్రాంతికి సినిమాను రిలీజ్ చేయాలనుకుంటున్నామని చెప్పుకొచ్చారు.
హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!
సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!
Home