Harish Shanakar: హరీశ్‌ శంకర్‌ ఈసారి ఇంకాస్త గట్టగా ప్లాన్‌ చేస్తున్నాడుగా

పవన్‌ కల్యాణ్‌తో సినిమా అనగానే హరీశ్‌ శంకర్‌ ఎంత ఆనంపడ్డాడో తెలియదు కానీ, హరీశ్‌ శంకర్‌ డైరక్షన్‌లో పవన్‌ సినిమా అనగానే పవన్‌ అభిమానులు మాత్రం చాలా ఆనందపడ్డారు. కారణం ‘గబ్బర్‌సింగ్’లో పవన్‌ను హరీశ్‌ శంకర్‌ చూపించిన తీరే. ఆ తర్వాత చాలా రోజుల తర్వాత ఇప్పుడు మరోసారి ఈ ఇద్దరూ పని చేయబోతున్న విషయం తెలిసిందే. ఇప్పటికే ఈ సినిమాకు సంబంధించి కాన్సెప్ట్‌ పోస్టర్‌ విడుదలై సంచలనం సృష్టించింది. తాజాగా ఈ సినిమాకు సంబంధించి మరో వార్త వైరల్‌ అవుతోంది.

హరీశ్‌ శంకర్‌ ఇప్పటికే పవన్‌ సినిమాకు సంబంధించి ప్రీ ప్రొడక్షన్‌ పనులు చేస్తున్నాడు. ఆ క్రమంలో సినిమా పవన్‌ ఐబీ ఆఫీసర్‌ అని వార్తలు వచ్చాయి. దీనిపై ఎవరూ క్లారిటీ ఇవ్వలేదు. తాజాగా ఈ సినిమాలో పవన్‌ డ్యూయల్‌ రోల్‌లో కనిపించబోతున్నాడని మరో పుకారు మొదలైంది. ఇదే నిజమైతే పవన్‌ కెరీర్‌లో ఇది రెండోసారి కావడం గమనార్హం. గతంలో ‘తీన్‌మార్‌’లో పవన్‌ డబుల్‌ రోల్‌లో కనిపించాడు. అయితే ఆ సినిమాలో రెండు పాత్రలను ఒకేసారి చూసే అవకాశం ఉండదు. కానీ హరీశ్‌ శంకర్‌ సినిమాలో ఆ అవకాశం ఉందట.

పవన్‌ కల్యాణ్‌ 28వ సినిమాగా రూపొందుతున్న ఈ చిత్రంలో పవన్‌ తండ్రీకొడుకులుగా రెండు పాత్రల్లో కనిపిస్తాడట. ఒక పాత్ర పోలీసు అయితే, రెండో పాత్ర ఐబీ ఆఫీసర్‌ అని తెలుస్తోంది. పవన్‌ ఖాకీ వేస్తే ఎలా ఉంటుందో ‘గబ్బర్‌సింగ్‌’లో హరీశ్‌ చక్కగా చూపించాడు. ఇప్పుడు మరోసారి ఆ అవకాశం ఇస్తే ఇక ఏ రేంజిలో అదరగొడతాడో చూడాలి.

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!