దర్శకుడు హరీష్ శంకర్ టాలీవుడ్ లో టాప్ డైరెక్టర్ గా గుర్తింపు తెచ్చుకున్నారు. భారీ బడ్జెట్ సినిమాలతో పాటు మీడియం బడ్జెట్ సినిమాలు కూడా తీస్తూ.. వరుస హిట్స్ ను అందుకున్నారు. ఇప్పటివరకు ఆయన తన కెరీర్ లో చాలా రీమేక్ సినిమాలు చేశారు. కానీ రీసెంట్ గా ఆయన రెండు రీమేక్ కథలను రిజెక్ట్ చేసినట్లు తెలుస్తోంది. అది కూడా పవన్ కళ్యాణ్ కోసం అనుకున్న కథలు. ఈ మధ్యకాలంలో పవన్ కళ్యాణ్ రీమేక్ కథలపై ఆసక్తి చూపిస్తున్నారు.
‘వకీల్ సాబ్’, ‘భీమ్లానాయక్’ రెండూ రీమేక్ సినిమాలే. తెలుగులో కూడా ఈ సినిమాలు భారీ విజయాలను అనుకున్నాయి. మరో రెండు రీమేక్ సినిమాలు చేయాలనుకున్నారు పవన్ కళ్యాణ్. ఈ క్రమంలో నిర్మాణ సంస్థలు హరీష్ శంకర్ ని ఆ సినిమాలను డైరెక్ట్ చేయమని అడిగారట. కానీ దానికి ఆయన సింపుల్ గా నో చెప్పారట. పవన్ కళ్యాణ్ తో చేసే సినిమా తన సొంత కథ అయి ఉండాలని హరీష్ శంకర్ భావించారు.
అందులో పవర్ ఫుల్ స్క్రిప్ట్ ను రెడీ చేసుకొని పవన్ కోసం ఎదురుచూస్తున్నారు. ఇప్పటికే ఈ సినిమాకి సంబంధించిన అఫీషియల్ అనౌన్స్మెంట్ కూడా వచ్చింది. ‘భవదీయుడు భగత్ సింగ్’ అనే టైటిల్ తో సినిమాను రూపొందిస్తున్నారు. నిజానికి ఈపాటికే సినిమా షూటింగ్ మొదలవ్వాలి కానీ పవన్ వేరే సినిమాలు ఒప్పుకోవడంతో హరీష్ శంకర్ ప్రాజెక్ట్ ఆలస్యమవుతోంది.
ఈ ఏడాదిలోనే సినిమాను మొదలుపెట్టనున్నారు. మైత్రి మూవీ మేకర్స్ బ్యానర్ లో తెరకెక్కుతోన్న ఈ సినిమాకి దేవిశ్రీప్రసాద్ సంగీతం అందిస్తున్నారు. ఈ సినిమాలో పూజాహెగ్డేను హీరోయిన్ గా తీసుకోవాలనుకుంటున్నారు.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
