మాస్ మహారాజా రవితేజ ‘క్రాక్’ సినిమాతో భారీ విజయాన్ని అందుకున్నారు. ఆ తరువాత ‘ఖిలాడి’, ‘రామారావు ఆన్ డ్యూటీ’ వంటి సినిమాలతో ప్రేక్షకుల ముందుకొచ్చారు. ఈ రెండూ వర్కవుట్ అవ్వలేదు. ప్రస్తుతం ఆయన నటించిన ‘ధమాకా’ సినిమా విడుదలకు సిద్ధమవుతోంది. త్రినాధరావు నక్కిన దర్శకత్వంలో తెరకెక్కిన ఈ సినిమాలో శ్రీలీల హీరోయిన్ గా నటిస్తోంది. రవితేజ ఆశలన్నీ ఈ సినిమాపైనే ఉన్నాయి. మరి దీనికి ఎలాంటి రెస్పాన్స్ వస్తుందో చూడాలి.
ఈ సినిమా కాకుండా రవితేజ చేతిలో మరో మూడు సినిమాలున్నాయి. ఇప్పుడు ఈ హీరో మరో సినిమా ఒప్పుకున్నట్లు సమాచారం. తమిళంలో సూపర్ హిట్ అయిన ‘మానాడు’ సినిమాను తెలుగులో రీమేక్ చేయబోతున్నట్లు చాలా రోజులుగా వార్తలొస్తున్నాయి. దీని హక్కులు సురేష్ ప్రొడక్షన్స్ సంస్థ దక్కించుకుంది. ఈ రీమేక్ కి సంబంధించిన స్క్రిప్ట్ బాధ్యతలు హరీష్ శంకర్ కి అప్పగించినట్లు సమాచారం. దాదాపు స్క్రిప్ట్ పూర్తయ్యే స్టేజ్ లో ఉందని అంటున్నారు.
దర్శకత్వబాధ్యతలు ఒకప్పటి మేకర్ దశరధ్ కి అప్పగించే ఛాన్స్ ఉందని అంటున్నారు. ఇప్పుడు ఈ సినిమాలో రవితేజ నటించబోతున్నట్లు వార్తలొస్తున్నాయి. ‘మానాడు’ రీమేక్ లో శింబు హీరోగా నటించగా.. ఎస్ జె సూర్య విలన్ రోల్ పోషించారు. తెలుగులో శింబు పాత్రలో సిద్ధు జొన్నలగడ్డ కనిపించబోతున్నారట.
ఎస్ జె సూర్య రోల్ కోసం రవితేజను తీసుకోవాలని భావిస్తున్నారు. నిజానికి సినిమాలో ఈ రోల్ హైలైట్ అనే చెప్పాలి కానీ నెగెటివ్ షేడ్స్ ఉన్న క్యారెక్టర్ అంటే రవితేజ ఒప్పుకుంటారో లేదో చూడాలి. తెలుగుకి తగ్గట్లుగా రవితేజ క్యారెక్టర్ లో ఏమైనా మార్పులు చేస్తే మాత్రం ఆయన ఒప్పుకునే ఛాన్స్ ఉంది. మరేం జరుగుతుందో చూడాలి!
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
