‘అలా ఎలా’ అనే చిత్రంతో హీరోయిన్ గా ఎంట్రీ ఇచ్చినప్పటికీ ‘కుమారి 21F’ చిత్రంతోనే మంచి క్రేజ్ సంపాదించుకుంది హెబ్బా పటేల్. అటు తరువాత ‘ఈడోరకం ఆడోరకం’ ‘ఎక్కడికి పోతావ్ చిన్నవాడా’ ‘నేను నాన్న నా బాయ్ ఫ్రెండ్స్’ వంటి చిత్రాలతో వరుస హిట్లు ఆమె అకౌంట్లోకి వేసుకుంది. అక్కడి వరకూ ఆమె కెరీర్ బాగానే సాగింది. కానీ తరువాత వచ్చిన ‘మిస్టర్’ ‘అందగాడు’ ‘ఏంజెల్’ ’24 కిస్సెస్’ వంటి సినిమాలు ప్లాప్ అవ్వడంతో ఆమె క్రేజ్ అమాంతం పడిపోయింది. ఇప్పుడు హెబ్బా కు పెద్దగా అవకాశాలు లేవు.
దీంతో ఆమె నెగిటివ్ రోల్లో కనిపించడానికి కూడా ఓకే చెప్పేసిందట. ‘ఛలో’ చిత్రంతో బ్లాక్ బస్టర్ అందుకున్న వెంకీ కుడుముల డైరెక్షన్లో నితిన్ హీరోగా ‘భీష్మ’ చిత్రం రూపొందుతున్న సంగతి తెలిసిందే. ఈ చిత్రంలో నితిన్ సరసన హీరోయిన్ గా రష్మిక మందన నటిస్తోంది. ఇక ‘భీష్మ’ సినిమాలో లేడీ విలన్ పాత్ర చాలా కీలకమట. ఈ పాత్రకి హెబ్బా పటేల్ అయితే బాగుంటుందని దర్శకుడు భావించి ఆమెను సంప్రదించగా వెంటనే ఓకే చెప్పేసిందట. మరి నెగిటివ్ రోల్లో అయినా హెబ్బా మెప్పిస్తుందేమో చూడాల్సి ఉంది.
Home