మెరుగులు అద్దుకుంటున్న అఖిల్ “హలో” టీజర్!

విక్రమ్ కుమార్ దర్శకత్వంలో అక్కినేని ప్రిన్స్ అఖిల్ నటిస్తున్న హలో సినిమా షూటింగ్ శరవేగంగా జరుగుతోంది. అన్నపూర్ణ స్టూడియోస్ బ్యానర్లో ఎక్కడా కాంప్రమైజ్ కాకుండా  40 కోట్ల బడ్జెట్ తో నాగార్జున ఈ చిత్రాన్ని నిర్మిస్తున్నారు. కచ్చితంగా సూపర్ హిట్టు సాధించాలని అఖిల్ కష్టపడుతున్న ఈ మూవీ క్రిస్   మస్ సందర్భంగా డిసెంబర్ 22న రిలీజ్  చేయనున్నారు. ఇంకా నెల రోజుల సమయం మాత్రమే ఉంది. అయినప్పటికీ చిత్ర యూనిట్ పక్కా ప్లానింగ్ తో ఉన్నట్లు తెలిసింది. ఈ మూవీ టీజర్ ని నాగచైతన్య, సమంతలతో రిలీజ్ చేయించాలని నాగార్జున భావిస్తున్నట్లు సమాచారం. చైతూ పుట్టిన రోజు( ఈ నెల 23 )న  “హలో’ టీజర్ విడుదల కానున్నట్లు టాక్.

ప్రస్తుతం టీజర్ కి మెరుగులు దిద్దే పనిలో చిత్ర యూనిట్ ఉంది. అనూప్ రూబెన్స్ కంపోజ్ చేసిన పాటలను వచ్చే నెల మొదటి వారంలో రిలీజ్ చేసి ప్రచారాన్ని ముమ్మరం చేయాలనీ నాగ్ అనుకుంటున్నారు.  కల్యాణి ప్రియదర్శన్ హీరోయిన్ గా నటిస్తున్న ఈ రొమాంటిక్ థ్రిల్లర్ కోసం అక్కినేని అభిమానులు వెయిట్ చేస్తున్నారు.