‘ఆర్.ఎక్స్.100’ చిత్రంతో ఓ పెద్ద బ్లాక్ బస్టర్ అందుకున్నాడు కార్తికేయ. నిజానికి ఈ సినిమాకి హిట్ టాక్ అయితే రాలేదు. కానీ బాక్సాఫీస్ వద్ద బ్లాక్ బస్టర్ గా నిలిచింది. ఈ చిత్రం విజయం హీరోయిన్ పాయల్ కు బాగా కలిసొచ్చింది కానీ కార్తికేయకి కలిసిరాలేదు. కానీ ఈ 4 ఏళ్ళ నుండీ అతన్ని ‘ఆర్.ఎక్స్.100’ హీరో అనే పిలుస్తున్నారు. అయితే ఇక్కడో విషయం గమనించాలి. కార్తికేయకి చాలా సినిమాల ఆఫర్లు ఉన్నాయి.
అతను ఇంత బిజీగా రాణించడానికి కారణం అతనిలో ఉన్న ట్యాలెంట్. కార్తికేయ మంచి నటుడు. డ్యాన్స్, ఫైట్స్ బాగా చేస్తాడు. ఓ కమర్షియల్ హీరోకి ఉండాల్సిన క్వాలిటీస్ అన్నీ ఇతనిలో ఉన్నాయి. కానీ ఈ 4 ఏళ్ళలో ఒక్క హిట్ అందుకోవడానికి కిందా మీదా పడుతున్నాడు. హీరోగానే కాకుండా విలన్ గా కూడా ‘గ్యాంగ్ లీడర్’ అనే సినిమాలో నటించాడు.విక్రమ్ కుమార్ దర్శకత్వం వహించిన ఆ మూవీలో హీరో నానిని ఢీ కొట్టే ఇంటెలిజెంట్ విలన్ గా మంచి పెర్ఫార్మన్స్ ఇచ్చాడు.
కానీ ఆ సినిమా అనుకున్న ఫలితాన్ని ఇవ్వలేదు. అలా అని కార్తికేయ కష్టం అంతా వేస్ట్ అయిపోయిందా? అంటే అస్సలు కాదు. ‘గ్యాంగ్ లీడర్’ వలనే అతనికి అజిత్ ‘వలిమై’ లో విలన్ గా నటించే అవకాశం దక్కింది.విచిత్రం ఏంటంటే ‘వలిమై’ రిలీజ్ అవుతున్న ఫిబ్రవరి 24న నాని పుట్టినరోజు కావడం. దీంతో నాని సినిమా కలిసిరాలేదు.. నాని బర్త్ డే అయినా కలిసొస్తుందా అంటూ కార్తికేయ గురించి నెటిజన్లు కామెంట్లు చేస్తున్నారు. ఒకవేళ ‘వలిమై’ కనుక హిట్ అయితే తమిళంలో కార్తికేయకి మరిన్ని మంచి అవకాశాలు లభించడం ఖాయం.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
