నేచురల్ స్టార్ నాని సినిమాలు గత 5 ఏళ్లుగా అంతగా బాక్సాఫీస్ వద్ద పెర్ఫార్మ్ చేయడం లేదు అనే కంప్లైంట్ ఉంది. అయితే అది తెలుగు రాష్ట్రాల వరకు మాత్రమే.ఓవర్సీస్ లో అయితే నాని సినిమాలు పక్క రాష్ట్రాల స్టార్ హీరోల కంటే కూడా బెటర్ పెర్ఫార్మన్స్ ఇస్తున్నాయి. టాలీవుడ్లో నాని టైర్ 2 హీరోల్లో అంటే మిడ్ రేంజ్ హీరోల్లో నెంబర్ 1 పొజిషన్లో చలామణి అవుతున్నాడు. కానీ ఓవర్సీస్ మార్కెట్ విషయంలో మాత్రం స్టార్ హీరోలతో సమానంగా ఇంకా చెప్పాలి అంటే కొంతమంది స్టార్ హీరోల కంటే కూడా టాప్ ప్లేస్ లో ఉన్నాడు చెప్పడంలో అతిశయోక్తి లేదు.
ఒకటి కాదు, రెండు కాదు.. నాని ఖాతాలో ఏకంగా 8… వన్ మిలియన్ మూవీస్ ఉన్నాయి. నాని తాజా చిత్రం ‘దసరా’ కూడా ఈరోజు కలెక్షన్లతో 1 మిలియన్ మార్క్ ను చేరుకుంది. ఈ చిత్రంతో 8వ సారి ఈ రేర్ ఫీట్ ను సాధించాడు నాని.అంతకు ముందు నాని నటించిన ‘ఈగ’ ‘భలే భలే మగాడివోయ్’ ‘నేను లోకల్’ ‘నిన్ను కోరి’ ‘ఎం.సి.ఎ’ ‘జెర్సీ’ ‘అంటే సుందరానికీ!’ వంటి సినిమాలు 1 మిలియన్ కొట్టాయి. దీంతో టాలీవుడ్ నుండీ ఎక్కువ 1 మిలియన్ డాలర్ల సినిమాలు అందించిన 2 వ హీరోగా నాని నిలిచాడు.
నాని కంటే ముందు మహేష్ బాబు 11 సినిమాలతో ఫస్ట్ ప్లేస్ లో ఉండగా.. రెండో ప్లేస్ లో మొన్నటి వరకు ఎన్టీఆర్ 7 వన్ మిలియన్ డాలర్ల సినిమాలతో ఉండేవాడు. ‘బాద్ షా’ ‘టెంపర్’ ‘నాన్నకు ప్రేమతో’ ‘జనతా గ్యారేజ్’ ‘జై లవ కుశ’ ‘అరవింద సమేత’ ‘ఆర్.ఆర్.ఆర్’ లతో కలిపి మొత్తంగా ఎన్టీఆర్ ఖాతాలో 7 మిలియన్ డాలర్ల మూవీస్ ఉన్నాయి. ఇప్పుడు నాని… ఎన్టీఆర్ ను పక్కకు నెట్టి నెంబర్ 2 ప్లేస్ ను దక్కించుకున్నాడు.
ఎన్టీఆర్- కొరటాల సినిమా కచ్చితంగా ఓవర్సీస్ లో 1 మిలియన్ కొట్టే అవకాశం ఉంది. కానీ ఈ గ్యాప్ లో నాని(Nani) నటించిన ఇంకో రెండు సినిమాలు వస్తే అవి కూడా 1 మిలియన్ కొట్టే అవకాశం ఉంది. కాబట్టి.. ఎన్టీఆర్ రికార్డు బ్రేక్ చేయడానికి చాలా టైం పడుతుంది. రాజమౌళి సినిమా కనుక లేట్ అయితే మహేష్ బాబు ను కూడా పక్కకు నెట్టి నాని ఫస్ట్ ప్లేస్ కు వచ్చేసే అవకాశాలు ఉన్నాయి.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
