టైర్2 హీరోల్లో నానినే నెంబర్ వన్… ఇదే ప్రూవ్..!

మెగాస్టార్ చిరంజీవి, మాస్ మహా రాజ్ రవితేజ తరువాత ఎటువంటి బ్యాక్ గ్రౌండ్ లేకుండా ఫ్యాన్ ఫాలోయింగ్ సంపాదించుకున్న హీరో ఒక్క నాని మాత్రమే అని చెప్పడంలో ఎటువంటి సందేహం లేదు. క్లాప్ బాయ్ గా కెరీర్ ను ప్రారంభించిన నాని ఆ తరువాత అసిస్టెంట్ డైరెక్టర్ గా పనిచేసాడు. అనుకోకుండా ‘అష్టా చమ్మా’ సినిమాలో అవకాశం రావడం.. ఆ చిత్రంలో నాని నటనకు ప్రశంసలు దక్కడంతో.. అతన్ని వెతుక్కుంటూ అవకాశాలు దక్కాయి. చెప్పాలంటే నాని మొదటి సినిమాకి ఎటువంటి రెమ్యూనరేషన్ ఇవ్వలేదట. ఇది పక్కన పెడితే.. తన నటన తో అందరి హీరోల ఫ్యాన్స్ ను ఆకర్షించే నాని.. ఈరోజు తన 36వ పుట్టిన రోజు జరుపుకుంటున్నాడు. దీంతో .. ట్విట్టర్ లో అతని పేరు పై ‘బర్త్ డే ట్యాగ్’ ను భారీ ఎత్తున ట్రెండ్ చేశారు నాని ఫ్యాన్స్.

మీడియం రేంజ్ హీరోల్లో నానినే నెంబర్ 1 అని ప్రూవ్ చేశారు. ఏకంగా నాని బర్త్ డే ట్యాగ్ పై 2లక్షల 48 వేల ట్వీట్స్ నమోదు అయ్యాయి. ఇంతక ముందు ఈ రికార్డు నాగ చైతన్య పేరుతో ఉంది. ఆయన బర్త్ డే ట్యాగ్ పై 2 లక్షల 25 వేల ట్వీట్స్ నమోదయ్యాయి. ఇక నాని సినిమాల విషయానికి వస్తే త్వరలోనే తన 25వ చిత్రం ‘వి’ తో ప్రేక్షకుల ముందుకు రానున్నాడు. దాంతో పాటు శివ నిర్వాణ డైరెక్షన్లో ‘టక్ జగదీష్’ అనే చిత్రం కూడా చేస్తున్నాడు. ఇక ఈరోజు నాని పుట్టిన రోజునాడు తన 27వ సినిమాని కూడా మొదలుపెట్టేసాడు. ‘టాక్సీ వాలా’ దర్శకుడు రాహుల్ సంక్రిత్యాన్ తో ‘శ్యాం సింగ రాయ్’ అనే చిత్రం చేస్తున్నాడు నాని.

Most Recommended Video

‘భీష్మ’ సినిమా రివ్యూ & రేటింగ్!
‘ప్రెజర్ కుక్కర్’ సినిమా రివ్యూ & రేటింగ్!