నాని రీసెంట్‌ సినిమాలు చూస్తే… ఓ విషయం ఈజీగా చెప్పేయొచ్చు. అంటే నాని సినిమా ఫలితాలు చూస్తే ఈజీగా చెప్పేయొచ్చు అంటున్నాం. ‘దసరా’ సినిమాతో ఇటీవల మంచి విజయం అందుకున్నాడు నాని. అయితే అంతకుముందు చేసిన కొన్ని సినిమాల విషయంలో ఓ కామన్‌ పాయింట్‌ ఉంది. అంతేకాదు ఆ సినిమాల ఫలితం అలా ఉండటానికి కూడా అదే కారణం అని చెప్పారు సినిమా విశ్లేషకులు. ఇప్పుడు అదే కారణంతో కొత్త సినిమాను ఓకే చేసి, అనౌన్స్‌ చేయలేకపోతున్నారు అని అంటున్నారు.
నాని (Hero Nani) ప్రస్తుతం ‘హాయ్ నాన్న’ అనే సినిమాలో నటిస్తున్నాడు. శౌర్యువ్‌ దర్శకత్వంలో రూపొందుతున్న ఈ సినిమాలో మృణాల్‌ ఠాకూర్‌ హీరోయిన్‌. ఈ సినిమా టైటిల్‌ అనౌన్స్‌మెంట్‌ టీజర్‌ ఇటీవల వచ్చి ఆసక్తికరంగా అనిపించడమే కాదు, కథేంటి అనే ఆతృతను కూడా కలిగింది. వీడియో ఆఖరున నానిని మృణాల్‌ ‘నాన్న’ అని పిలవడమే కారణం. ఆ విషయం పక్కనపెడితే.. నాని ఆ సినిమా తర్వాత దర్శకుడు వివేక్ ఆత్రేయతో ఓ సినిమా చేయనున్నాడు. డివివి దానయ్య నిర్మాతగా ఈ సినిమా ఉంటుందట.
ఈ సినిమా గురించే ఇప్పుడు సమస్య అంటున్నారు. ‘అంటే సుందరానికి’ అంటూ నానితో ఇప్పటికే సినిమా చేశారు వివేక్. అయితే ఆ సినిమా సెకండాఫ్‌ వీక్‌గా ఉండటంతో సినిమా జనాలకు కనెక్ట్‌ అవ్వలేదని అప్పట్లో విమర్శలు వచ్చాయి. ఇప్పుడు కొత్తగా అనుకుంటున్న కథ సెకండాఫ్‌ విషయంలో నాని ఇంకా ఓ నిర్ణయానికి రాలేకపోతున్నారట. వివేక్ ఆత్రేయ ఈసారి నానిని ఒక యాక్షన్ డ్రామాలో హీరోగా చూపించాలని అనుకుంటున్నారు. ఈ క్రమంలో సెకండాఫ్‌ అంతగా నప్పలేదట.
దీంతో ఈ సినిమా ముందుకు రావడం లేదు అంటున్నారు. వివేక్ ఆత్రేయ ఎప్పుడు రెడీ చేసి.. నాని ఒకే చేస్తే సినిమా అప్పుడు పట్టాలెక్కుతుంది అని సమాచారం. నిజానికి నాని సినిమాల్లో ఫ్లాప్స్‌లో సెకండాఫ్‌ బలంగా లేనివే ఎక్కువ అని చెప్పాలి. తొలి భాగంగా నవ్వుతూ, నవ్విస్తూ నడిపించేసినా.. కీలకమైన సెకండాఫ్‌ దగ్గర బోల్తాపడుతున్నారు. దీంతో ఇప్పుడు ఈ విషయంలో నాని జాగ్రత్తగా ఉన్నారంటున్నారు.
ఆ హీరోల బ్యాక్ గ్రౌండ్ తెలిస్తే షాక్ అవుతారు..!
‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!
Home
