డ్యాన్స్ ఇరగదీస్తున్న ఫైట్ మాస్టర్ కొడుకు రాహుల్!

చిరంజీవి, బాలకృష్ణ, ఎన్టీఆర్, మహేష్ బాబు వంటి హీరోలందరితోనూ ఫైట్లు చేయించిన సీనియర్‌ ఫైట్‌ మాస్టర్‌ విజయ్‌ తనయుడు రాహుల్‌ విజయ్‌ హీరోగా పరిచయమవుతోన్న విషయం తెలిసిందే. రాము కొప్పుల దర్శకత్వంలో దివ్య విజయ్‌ నిర్మించిన “ఈ మాయ పేరేమిటో” చిత్రం ద్వారా రాహుల్ ప్రేక్షకులను పలకరించనున్నాడు. కావ్య థాపర్ కథానాయికగా నటిస్తున్న ఈ చిత్రం ఈ శుక్రవారం (సెప్టెంబర్ 21) విడుదలకానుంది. మరో వారసుడు వస్తున్నాడు అనగానే అందరూ ఆ ఏముందిలే అనుకొన్నారు కానీ.. ట్రైలర్ తోనే తన సత్తాను ఘనంగా చాటుకొన్నాడు రాహుల్ విజయ్.

మనోడి డ్యాన్స్, ఆ డ్యాన్స్ లో గ్రేస్ చూసినవాళ్ళందరూ ఇండస్ట్రీకి మరో మంచి డ్యాన్సర్ దొరికాడు అని కితాబులిస్తున్నారు. ఇక విజయ్ మాస్టర్ కొడుకు కాబట్టి యాక్షన్ సన్నివేశాల్లో ఇరగదీస్తాడని ప్రత్యేకంగా చెప్పాల్సిన అవసరం ఏముంటుంది. ఓవరాల్ గా.. “ఈ మాయ పేరేమిటో” చిత్రంతో ఇండస్ట్రీకి ఒక టాలెంటెడ్ హీరో పరిచయమవుతున్నాడన్న విషయంలో క్లారిటీ వచ్చింది. మరి సినిమా సంగతి ఏంటో తెలియాలంటే ఇంకొన్ని రోజులు ఆగాల్సిందే.