షాకింగ్ నిజాన్ని చెప్పుకొచ్చిన హీరో సత్యదేవ్..!

ట్యాలెంటెడ్ హీరో సత్యదేవ్ ఈ లాక్ డౌన్లో ‘ఉమామహేశ్వర ఉగ్రరూపస్య’ చిత్రంతో ప్రేక్షకులను అలరించాడు. ఓటిటిలో విడుదలైనప్పటికీ ఈ చిత్రానికి మంచి స్పందన లభించింది. ‘కేరాఫ్ కంచెరపాలెం’ ఫేమ్ వెంకటేష్ మహా డైరెక్షన్లో తెరకెక్కిన ఈ చిత్రాన్ని ‘బాహుబలి’ నిర్మాతలైన ‘ఆర్కా మీడియా’ వారు నిర్మించారు. ప్రస్తుతం సత్యదేవ్.. ‘గుర్తుందా శీతాకాలం’ అనే చిత్రంలో నటిస్తున్నాడు. నాగశేఖర్ డైరెక్ట్ చేస్తున్న ఈ చిత్రంలో మిల్కీ బ్యూటీ తమన్నా కూడా కీలక పాత్ర పోషిస్తుంది.

ఇదిలా ఉండగా.. ఇటీవల ఓ టీవీ షోలో పాల్గొన్న సత్యదేవ్ ఓ షాకింగ్ నిజాన్ని బయటపెట్టాడు. అదేంటంటే ఇతన్ని.. అఫ్ఘనిస్తాన్లో అరెస్ట్ చేశారట. సత్యదేవ్ మాటల్లో.. “ఓ హిందీ సినిమా షూటింగ్ కోసం ఆప్గానిస్థాన్ వెళ్ళాము. ఓ రోజు అక్కడ నాకు ఏమీ తోచక వీధుల్లో అటూ ఇటూ తిరుగుతున్నాను. అది గమనించిన అక్కడి పోలీసులు.. నేనేదో సూసైడ్ బాంబర్ అనుకుని నన్ను అరెస్ట్ చేశారు. అప్పటికీ నేను హిందూస్థాని అని చెబుతున్నా వాళ్లకు అర్ధం కావడం లేదు.

భాష అర్థం కాక అరెస్ట్ చేసారని నాకు అర్ధమవుతుంది కానీ నేను ఆ టైములో ఏమీ చేయలేకపోయాను. ఆ తరవాత మా సినిమా టీం వాళ్ళు చెప్పడంతో.. విషయం అర్ధమయ్యి వాళ్ళు నన్ను వదిలిపెట్టేసారు” అంటూ చెప్పుకొచ్చాడు. ఇక అదే ఇంటర్వ్యూలో తను ’30 రోజుల్లో ప్రేమించడం ఎలా?’ అనే చిత్రాన్ని వదులుకున్నట్టు కూడా తెలిపాడు.

Most Recommended Video

చిన్నపిల్లలుగా మారిపోయిన ‘బిగ్ బాస్4’ కంటెస్టెంట్స్.. ఎలా ఉన్నారో మీరే చూడండి..!
‘సర్జరీ’ చేయించుకున్న హీరోయిన్లు వీళ్ళే!
భీభత్సమైన బ్లాక్ బస్టర్ ఇచ్చిన హీరోలే తరువాత భయంకరమైన డిజాస్టర్లు కూడా ఇచ్చారు…!