Hero Srikanth: ఆడియన్స్ తిడతారని భయపడుతున్న శ్రీకాంత్!

September 30, 2021 / 08:42 PM ISTByFilmy Focus

Join Us

Hero Srikanth: ఆడియన్స్ తిడతారని భయపడుతున్న శ్రీకాంత్!

ఒకప్పుడు ఫ్యామిలీ హీరోగా ప్రేక్షకుల హృదయాలను గెలుచుకున్న శ్రీకాంత్ ప్రస్తుతం అఖండ సినిమాలో విలన్ రోల్ లో నటిస్తున్నారు. అఖండ సినిమా రిలీజ్ డేట్ గురించి త్వరలో క్లారిటీ రానుండగా ఈ సినిమా గురించి శ్రీకాంత్ ఆసక్తికర విషయాలను వెల్లడించారు. ఈ వారం థియేటర్లలో ఇదే మా కథ సినిమా రిలీజ్ కానుండగా ఈ సినిమా ప్రమోషన్స్ లో పాల్గొన్న శ్రీకాంత్ కీలక విషయాలను చెప్పుకొచ్చారు. అఖండ సినిమాతో పాటు శంకర్ రామ్ చరణ్ సినిమాలో కూడా తనే విలన్ అని శ్రీకాంత్ తెలిపారు.

శ్రీరామరాజ్యం సినిమా తర్వాత బాలకృష్ణతో కలిసి స్క్రీన్ పంచుకోవడం తనకు సంతోషాన్ని కలిగిస్తోందని శ్రీకాంత్ అన్నారు. అఖండ సినిమాలో తన పాత్ర చాలా క్రూరంగా ఉంటుందని శ్రీకాంత్ తెలిపారు. మహిళలు అఖండ రిలీజయ్యాక తనను తిట్టుకుంటారని శ్రీకాంత్ చెప్పుకొచ్చారు. పునీత్ రాజ్ కుమార్ హీరోగా తెరకెక్కుతున్న సినిమాలో కూడా తాను నటిస్తున్నానని శ్రీకాంత్ అన్నారు. తాను 23 సంవత్సరాల వయస్సులో పెళ్లి సందడి సినిమాలో నటిస్తే తన కొడుకు 22 సంవత్సరాల వయస్సులోనే పెళ్లి సందడి సినిమాలో నటిస్తున్నాడని శ్రీకాంత్ పేర్కొన్నారు.

అఖండ సినిమాను దసరాకు రిలీజ్ చేయాలని సన్నాహాలు చేస్తున్నారని శ్రీకాంత్ అన్నారు. త్వరలో సాయితేజ్ ఆరోగ్యంగా ముందుకు వస్తారని శ్రీకాంత్ వెల్లడించారు. రిపబ్లిక్ భారీ బ్లాక్ బస్టర్ కావాలని కోరుకుంటున్నానని శ్రీకాంత్ అన్నారు. అఖండ శ్రీకాంత్ చెప్పిన విధంగా దసరాకే విడుదలవుతుందో లేదో చూడాల్సి ఉంది.