ఈ యంగ్ హీరో కనిపించక చాలా నెలలైంది!

సక్సెస్ కోసం రకరకాల జానర్స్ ట్రై చేసిన యంగ్ హీరో సందీప్ కిషన్.. తొమ్మిదేళ్ళ కెరీర్‌లో తెలుగు, తమిళ, హిందీ భాషల్లో సుమారు ఇరవై సినిమాల్లో నటించాడు ఛోటా కె నాయుడు మేనల్లుడు సందీప్ కిషన్. వైవిధ్యమైన చిత్రాలలో భిన్నమైన పాత్రలు పోషిస్తున్న సందీప్‌కు ఆశించిన విజయం మాత్రం అందని చందమామే అవుతోంది. విజయం కోసం పట్టువీడని విక్రమార్కుడిలా కృషి చేస్తున్న సందీప్ కిషన్ ఈ మధ్య ఓ ఎనిమిది నెలల పాటు షూటింగ్‌కు బ్రేక్ ఇచ్చాడు. ఎన్నో ఆశలు పెట్టుకుని చేసిన ‘మనసుకు నచ్చింది’ కూడా పరాజయం పాలైంది.

అలాగే.. తమిళంలో నటిస్తున్న “నరగాసురన్” షూటింగ్ మధ్యలోనే ఆగిపోయింది. దాంతో సందీప్ కిషన్ చేతిలో అప్పుడెప్పుడో మొదలెట్టిన బాలీవుడ్ సినిమా తప్ప మరో సినిమా లేదు. సరైన ఆఫర్లు లేక కొత్త ఆఫర్లు రాక చాలా బాధపడుతున్నాడు సందీప్ కిషన్. ఇదే తీరు గనుక ఇంకొన్నాళ్లపాటు కంటిన్యూ అయితే సందీప్ కిషన్ ను తెలుగు ఆడియన్స్ మర్చిపోయే అవకాశం పుష్కలంగా ఉంది, మరి సందీప్ సోలో హీరోగా కాకపోయినా కనీసం సెకండ్ హీరో లేదా కీలకపాత్రనైనా ఏదో ఒక సినిమాలో పోషించి అర్జెంట్ గా తన ఉనికిని చాటుకోవాల్సిన పరిస్థితి ఏర్పడింది.