Vishwak Sen: విశ్వక్ సేన్ తీసుకున్న ఈ గొప్ప నిర్ణయానికి వావ్ అనాల్సిందే!

టాలీవుడ్ ఇండస్ట్రీలో టాలెంట్ తో అంతకంతకూ ఎదిగిన హీరోలలో విశ్వక్ సేన్ (Vishwak Sen) ఒకరనే సంగతి తెలిసిందే. విశ్వక్ సేన్ వరుసగా దాస్ కా ధమ్కీ (Das Ka Dhamki), గామి (Gaami) , గ్యాంగ్స్ ఆఫ్ గోదావరి (Gangs of Godavari) సినిమాలతో మంచి ఫలితాలను సొంతం చేసుకోగా గ్యాంగ్స్ ఆఫ్ గోదావరి మూవీ ప్రస్తుతం నెట్ ఫ్లిక్స్ లో స్ట్రీమింగ్ అవుతోంది. ఈ సినిమాకు ఓటీటీలో సైతం మంచి రెస్పాన్స్ వస్తోందని సమాచారం అందుతోంది. ఈ యంగ్ హీరో తాజాగా ఆర్గాన్ డొనేషన్ కు సంబంధించి కీలక నిర్ణయం తీసుకోగా ఆ నిర్ణయం ప్రస్తుతం నెట్టింట హాట్ టాపిక్ అవుతోంది.

హైదరాబాద్ లో జరిగిన ఒక ఈవెంట్ కు హాజరైన విశ్వక్ సేన్ తాను అవయవ దానం చేస్తానని ప్రకటించడంతో పాటు తన వివరాలను అందజేశారు. విశ్వక్ సేన్ తీసుకున్న ఈ నిర్ణయానికి వావ్ అనాల్సిందేనంటూ నెటిజన్ల నుంచి అభిప్రాయాలు వ్యక్తమవుతున్నాయి. చాలామంది హీరోలు ఈ తరహా ప్రకటనలు చేయడానికి వెనుకాడతారని విశ్వక్ సేన్ కు మాత్రం ఈ విషయంలో ఎవరూ సాటిరారని నెటిజన్లు చెబుతున్నారు.

మాస్ కా దాస్ విశ్వక్ సేన్ ప్రస్తుతం మెకానిక్ రాకీ సినిమాతో బిజీగా ఉన్నారు. ఈ సినిమాకు బిజినెస్ భారీ స్థాయిలోనే జరిగిందని తెలుస్తోంది. త్వరలో ఈ సినిమాకు సంబంధించి మరిన్ని క్రేజీ అప్ డేట్స్ వచ్చే అవకాశాలు అయితే ఉన్నాయి. విశ్వక్ సేన్ పారితోషికం 5 నుంచి 6 కోట్ల రూపాయల రేంజ్ లో ఉంది.

విశ్వక్ సేన్ సినిమాల నాన్ థియేట్రికల్ హక్కులు ఒకింత భారీ మొత్తానికి అమ్ముడవుతున్నాయి.విశ్వక్ సేన్ పాన్ ఇండియా హిట్లను సొంతం చేసుకోవాలని భావిస్తున్నారు. బాలయ్య, జూనియర్ ఎన్టీఆర్ లను ఎంతో అభిమానించే విశ్వక్ సేన్ తర్వాత ప్రాజెక్ట్స్ విషయంలో ఆచితూచి అడుగులు వేస్తున్నారు.