సంక్రాంతి బరిలో దిగే హీరోలు వీళ్ళే

2017 సంక్రాంతికి నాలుగు సినిమాలు రిలీజ్ అయి ప్రేక్షకులకు వినోదాన్ని పంచాయి. అందులో ఖైదీ నంబర్ 150 , గౌతమి పుత్ర శాతకర్ణి, శతమానం భవతి హిట్ సాధించాయి. 2018 సంక్రాంతికి నాలుగు సినిమాలు రిలీజ్ అవుతున్నాయి. జల్సా, అత్తారింటికి దారేది వంటి సూపర్ హిట్స్ ఇచ్చిన డైరక్టర్ త్రివిక్రమ్ శ్రీనివాస్ తో పవన్ కళ్యాణ్ చేస్తున్న మూడో సినిమా అజ్ఞాతవాసి. సాఫ్ట్ వేర్ ఇంజినీర్ గా పవన్ నటిస్తున్న ఈ చిత్రంలో అను ఇమ్మానియేల్, కీర్తి సురేష్ లు హీరోయిన్లుగా నటిస్తున్నారు. ఈ సినిమా జనవరి 10 న విడుదలకానుంది. సంక్రాంతి మొనగాడుగా పేరు దక్కించున్న బాలకృష్ణ 2018 లో జై సింహా గా రాబోతున్నారు. కేఎస్ రవికుమార్ దర్శకత్వంలో తెరకెక్కుతోన్న ఈ మూవీ జనవరి 12 న థియేటర్లో సందడి చేయనుంది. అదే రోజు తమిళ హీరో సూర్య గ్యాంగ్ తో రానున్నారు. విగ్నేష్ దర్శకత్వంలో సూర్య తమిళంలో “తానా సేద కూటం” అనే సినిమా చేశారు.

దీనిని తెలుగులో గ్యాంగ్ గా రిలీజ్ చేయబోతున్నారు. వీరితో పాటు అదృష్టాన్ని పరీక్షించుకోవడానికి యంగ్ హీరో రాజ్ త‌రుణ్‌ వస్తున్నారు. ప్రస్తుతం అతను చేస్తున్న రాజుగాడు సినిమా షూటింగ్ కంప్లీట్ చేసుకుంది. వేగంగా పోస్ట్ ప్రొడక్షన్ కంప్లీట్ చేసి సంక్రాంతికి రానున్నారు. అయితే ఇంకా డేట్ ప్రకటించలేదు. సంజనా రెడ్డి దర్శకత్వం వహించిన సినిమాలో రాజ్‌తరుణ్ ఇంతకుముందు సినిమాలకు పూర్తి భిన్నంగా కనిపించబోతున్నాడు. ఏకే ఎంటర్‌టైన్‌మెంట్ బ్యానర్‌పై రామబ్రహ్మం సుంకర నిర్మించిన ఈ చిత్రంపై రాజ్ తరుణ్ అసలు పెట్టుకుని ఉన్నాడు. మరి సంక్రాంతి లక్ష్మి ఎవరికీ వరిస్తుందో చూడాలి.