సూపర్ స్టార్ మహేష్ బాబు సూపర్ వేగంతో దూసుకు పోతున్నారు. ప్రస్తుతం తమిళ స్టార్ డైరక్టర్ ఏఆర్ మురుగదాస్ దర్శకత్వంలో యాక్షన్ థ్రిల్లర్ మూవీ చేస్తున్న ప్రిన్స్, తన తర్వాతి చిత్రానికి కూడా పూజా కార్యక్రమాలు పూర్తిచేశారు. కొరటాల శివ దర్శకత్వంలో తెరకెక్కనున్న 24వ మూవీ జనవరి నుంచి రెగ్యులర్ షూటింగ్ జరుపుకోనుంది. ముఖ్యమంత్రిగా మహేష్ బాబు నటిస్తున్న ఈ చిత్రంలో ఇద్దరు హీరోయిన్స్ అందాలు ఆరబోయనున్నారు.
ఇప్పటివరకు ప్రిన్స్ టాలీవుడ్ క్రేజీ భామలందరితో రొమాన్స్ చేశారు. ఈ సారి ఫ్రెష్ లుక్ కోసం కొత్త భామలను ఎంపిక చేయాలని డైరక్టర్ భావిస్తున్నారు. అందుకోసం చిత్ర బృందం అందమైన భామల అన్వేషణలో పడింది. ఈ చిత్రాన్ని నిర్మిస్తున్న డీవీవీ దానయ్య బాలీవుడ్ హీరోయిన్స్ ని రెమ్యునరేషన్ ఇవ్వడానికి సిద్ధంగా ఉన్నా.. డేట్స్ ఇబ్బందులు లేకుండా ఉండాలని కొత్త వారినే ఇంట్రడ్యూస్ చేయమని ప్రిన్స్ చెప్పినట్లు తెలిసింది. మరి సూపర్ స్టార్ పక్కన నటించే ఛాన్స్ ఎవరిని వరిస్తుందో చూడాలి.
Home