నాగచైతన్య – రాశీ ఖన్నా కలసి ఇప్పటివరకు రెండు సినిమాల్లో నటించారు. అదేంటి ఒక్క సినిమానే కదా. మొన్నొచ్చిన ‘వెంకీమామ’లోనే కదా కలిసి నటించింది అంటారా. అయితే ‘మనం’ సినిమాలో రాశీ ఖన్నా ఉన్న విషయం మరచిపోయుంటారు. అందులో హీరోయిన్‌లా ఫుల్‌ లెంగ్త్‌ క్యారక్టర్‌ కాకపోయినా… కీలక సమయంలో వచ్చే పాత్రే ఇది. ఇదంతా పక్కన పెడితే.. ఇప్పుడు వీరిద్దరూ హ్యాట్రిక్‌ కొట్టడానికి సిద్ధమవుతున్నారు. చైతు కొత్త సినిమాలో నాయికగా ఆమెనే ఎంచుకుంటున్నారట.
విక్రమ్‌ కె.కుమార్‌ – నాగచైతన్య కాంబినేషన్‌లో ‘థ్యాంక్‌యూ’ అనే సినిమా తెరకెక్కుతోంది. ఈ సినిమాలో ఓ నాయికగా అవికా గోర్‌ను ఎంచుకున్నట్లు ఇప్పటికే వార్తలొచ్చాయి. అయితే ఈ సినిమాలో ఇంకో హీరోయిన్‌కు అవకాశం ఉందని చాలా రోజుల నుండి వార్తలొస్తున్నాయి. ఈ పాత్ర కోసం సమంత, నభా నటేశ్‌ లాంటి నాయికల పేర్లు వినిపించాయి. అయితే వీరెవరూ కాకుండా రాశీ ఖన్నాకే ఓటేసిందట చిత్రబృందం. అయితే ఈ విషయంలో చిత్రబృందం నుండి అధికార ప్రకటన రావాల్సి ఉంది.
అయితే ‘థ్యాంక్‌యూ’లో మరో హీరోయిన్‌ పాత్రకూ అవకాశం ఉందట. ఆ పాత్ర కేమియో అని… అందులో సమంత నటిస్తుందని వార్తలొచ్చాయి. అంతేకాదు ఈ సినిమాలో చైతు… మహేష్‌బాబు అభిమానిగా కనిపిస్తాడు. దీనికి సంబంధించిన వార్తలు, ఫొటోలు ఇటీవల వైరల్‌ అయిన విషయం తెలిసిందే. ఒక హీరోయిన్‌ను ఈజీగా సెలక్ట్‌ చేసిన ‘థ్యాంక్‌ యూ’ టీమ్‌… రెండో హీరోయిన్‌ విషయంలో ఇంత చర్చ ఎందుకు చేస్తోందో తెలియడం లేదు.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
