రాంచరణ్ పుట్టిన రోజు కానుకగా ఆయన పాత్రను పరిచయం చేస్తూ ‘భీమ్ ఫర్ రామరాజు’ పేరుతో ‘ఆర్.ఆర్.ఆర్’ నుండీ ఓ వీడియోని విడుదల చేసాడు దర్శకుడు రాజమౌళి. తెలుగుతో పాటు హిందీ, తమిళ భాషల్లో కూడా ఈ వీడియోని విడుదల చేసారు. ఎన్టీఆర్ వాయిస్ తో చరణ్ ను చూపించిన తీరు ప్రేక్షకులందరినీ ఆకట్టుకుంది. సినిమా ఏ రేంజ్ లో ఉండబోతుందో ఈ వీడియో క్లారిటీ ఇచ్చేసింది. ఇక ఎన్టీఆర్ పుట్టిన రోజున కూడా ‘రామరాజు ఫర్ భీమ్’ పేరుతో ఓ వీడియోని విడుదల చేయబోతున్నాడు.
మే 20 న ఈ వీడియో ప్రేక్షకుల ముందుకు రానుంది. అయితే ఈ వీడియో ఎలా ఉండబోతుంది అన్నదాని పై ఓ క్లారిటీ వచ్చినట్టు తెలుస్తుంది. కొమరం భీమ్ పేరుతో ఎన్టీఆర్ ను ఈ వీడియోలో చూపిస్తాడు కాబట్టి… తెలంగాణ యాసలో ఎన్టీఆర్ డైలాగ్ లు ఉండబోతున్నాయట. ఇక చరణ్ వాయిస్ కూడా తెలంగాణ స్లాంగ్ లోనే ఉంటుందని తెలుస్తుంది. అంతే కాదు ఎన్టీఆర్ విజువల్స్ అన్నీ అడవిలో ఉంటాయని తెలుస్తుంది.
ఎన్టీఆర్ కూడా 6 ప్యాక్ బాడీ తో కనిపించబోతున్నాడు అని వినికిడి. కీరవాణి బ్యాక్ గ్రౌండ్ స్కోర్ కూడా ఓ రేంజ్ లో ఉండబోతుంది అని సమాచారం. మరి ఇన్ని హైలెట్స్ కలిగిన ఈ వీడియో ప్రోమో ఎన్ని రికార్డులను కొల్లగొడుతుందో చూడాలి. ఇక ‘ఆర్.ఆర్.ఆర్’ చిత్రం 2021 సంక్రాంతి కానుకగా విడుదల కాబోతుంది అని టాక్ నడిచింది. కానీ లాక్ డౌన్ కారణంగా షూటింగ్ ఆగిపోయింది కాబట్టి లేట్ అయ్యే అవకాశాలు కూడా ఉన్నాయని ప్రచారం జరుగుతుంది.
Most Recommended Video
‘బాహుబలి’ ని ముందుగా ప్రభాస్ కోసం అనుకోలేదట…!
పోకిరి స్టోరీకి మహేష్ చెప్పిన చేంజెస్ అవే..!
హీరోయిన్స్ గా ఎదిగిన హీరోయిన్స్ కూతుళ్లు వీరే..!
