Honey Review in Telugu: హనీ సినిమా రివ్యూ & రేటింగ్!

కట్ చేస్తే.. ఆనంద్ కూతురు మీరా (జయని) వల్ల మాత్రమే పిల్లి మాయని పొందడం సాధ్యపడుతుంది అని గ్రహిస్తారు.

నటీనటుల పనితీరు: నవీన్ చంద్ర లుక్ నుండి మ్యానరిజమ్స్, బాడీ లాంగ్వేజ్ వరకు అన్నీ విషయాల్లో కొత్తదనం చూపించాడు. ఒక అత్యాశపరుడు, మనసు నిండా చీకటి నింపుకున్న ఒక నెగిటివ్ క్యారెక్టర్ గా నవీన్ నటన చాలా సహజంగా ఉంటుంది. కాసేపటికి నవీన్ కనబడడు, కేవలం ఆనంద్ మాత్రమే కనిపిస్తాడు. అతడు కర్కశత్వం ప్రదర్శించిన తీరు కచ్చితంగా ఇబ్బందిపెడుతుంది.

దివ్య పిళ్లై కెరీర్ బెస్ట్ రోల్ అని చెప్పొచ్చు. ఒక తల్లిగా మాత్రమే కాక, ఒక వ్యక్తిగా ఆమె తన చుట్టూ జరుగుతున్న అన్యాయాన్ని ఎదిరించిన తీరు షాక్ కి గురి చేయడమే కాక నటిగా ఆమె పొటెన్షియల్ ని పరిచయం చేసింది. ఇకనైనా ఆమెను బియాండ్ బోల్డ్ & గ్లామర్ గా చూస్తే బాగుంటుంది.

దివి పాత్ర చిన్నదే, డైలాగులు కూడా తక్కువే. అయితే స్క్రీన్ ప్రెజన్స్ మాత్రం బాగుంది. రాజా రవీంద్ర చాలా సిన్సియర్ గా కనిపించాడు.

సాంకేతికవర్గం పనితీరు: ప్రమోషనల్ కంటెంట్ లో కనిపించిన షార్ప్ నెస్, మరీ ముఖ్యంగా క్వాలిటీ DI సినిమాలో కనిపించలేదు. దానికి కారణం ఏంటో కరుణకుమార్ కే తెలియాలి.

అయితే.. నగేష్ సినిమాటోగ్రఫీ వర్క్ కానీ, అజయ్ అరసాడ నేపథ్య సంగీతం కానీ సినిమా యొక్క మూడ్ ని చాలా నిర్దిష్టంగా మైంటైన్ చేశాయి.

దర్శకుడిగా కరుణ కుమార్ తాను ఎంచుకున్న జోనర్ కి స్టిక్ అయ్యి ఉన్నాడు. ఎక్కడా చిన్నపాటి డీవియేషన్ కూడా లేదు. అలాగే.. ఆడియన్స్ డిస్టర్బ్ అవుతారా అనే విషయాన్ని ఏమాత్రం పట్టించుకోకుండా తాను చెప్పాలనుకున్న కథని చాలా సిన్సియర్ గా, స్ట్రిక్ట్ గా, వైల్డ్ గా చెప్పాడు.

ఒకానొక సందర్భంలో “ఇది మనం చూడలేం” అనిపించకమానదు. ముఖ్యంగా చిన్న పాపతో పిల్లి తాలుకు మాయ చేతులతో ఎత్తించే సన్నివేశం ఆల్మోస్ట్ వాంతింగ్ సెన్సేషన్ క్రియేట్ చేసింది. వ్యూయర్స్ కి సినిమా ఎలాంటి ఎక్స్ పీరియన్స్ ఇస్తుంది అనేందుకు ఇవి ఉదాహరణలు. అలాగే.. సినిమాకి ఇచ్చిన ముగింపు ఎక్కడా కమర్షియాలిటీ కోసం హ్యాపీ ఎండింగ్ ఇచ్చేస్తారేమో అనుకొనేలోపు చాలా డిస్టర్బింగ్ గా ఉంటుంది. దర్శకుడిగా కరుణ కుమార్ విజన్ ని ఎంత క్లియర్ గా ప్రెజెంట్ చేశాడు అనేది ప్రతి ఫ్రేములో కనిపిస్తూనే ఉంటుంది.

విశ్లేషణ: మన చుట్టూ జరుగుతున్న కొన్ని విషయాలు పేపర్ లేదా న్యూస్ ఛానల్ లో కనిపిస్తే తప్ప మనకి తెలియవు. ఒక వ్యక్తి ఇంతలా దిగజారతాడా? అది కూడా డబ్బు కోసం, ఒక్కోసారి డబ్బు కంటే పవర్ కోసం ఇంత నీచానికి ఒడిగడతాడా? అని మనల్ని మనం ప్రశ్నించుకుంటాం.

మనిషిలోని ఆ చీకటి కోణాన్ని చాలా రా & రస్టిక్ గా ప్రెజంట్ చేస్తుంది “హనీ”. డార్క్ గా మాత్రమే కాదు డిస్ట్రబింగ్ గా ఉంటుంది సినిమా. నవీన్, దివ్యల నటన, కరుణ కుమార్ టేకింగ్, అజయ్ అరసాడ బ్యాగ్రౌండ్ స్కోర్ ఈ సినిమాని ఒక ప్రాపర్ థియేట్రికల్ ఎక్స్ పీరియన్స్ వాచ్ గా నిలిపింది.

ఫోకస్ పాయింట్: మనిషిలోని చీకటి కోణానికి దర్పణం!

రేటింగ్: 2.5/5