సమానంగా రెమ్యునరేషన్ తీసుకుంటున్న చిరంజీవి, పవన్ కళ్యాణ్

మెగా మల్టీ స్టారర్ మూవీ ప్రకటనతోనే బ్రేకింగ్ న్యూస్ అయింది. మెగాస్టార్ చిరంజీవి, పవర్ స్టార్ పవన్ కళ్యాణ్ ఇద్దరూ కలిసి నటించనున్న ఈ మూవీ ఇప్పుడు రెమ్యునరేషన్ విషయంలో అందరినీ అవాక్కయ్యేలా చేస్తోంది. ప్రముఖ వ్యాపారవేత్త, ఎంపీ టి. సుబ్బిరామిరెడ్డి నిర్మిస్తున్న ఈ చిత్రానికి మాటల మాంత్రికుడు త్రివిక్రమ్ శ్రీనివాస్ దర్శకత్వం వహిస్తున్నారు. ప్రస్తుతం స్టోరీ డిస్కషన్ దశలో ఉన్న ఈ సినిమాకి మెగా హీరోలు భారీ ఎత్తున పారితోషికం అందుకోనున్నట్లు తెలిసింది. చిరు, పవన్ లు ఒక్కొక్కరూ 25 కోట్లు ఇచ్చేందుకు నిర్మాత సిద్ధంగా ఉన్నట్లు సమాచారం.

అంతేకాదు త్రివిక్రమ్ కి కూడా బాగా ముట్టజెప్పుతున్నారు. ఈ సినిమాకి మాటల మాంత్రికుడు 15 కోట్లు తీసుకున్నట్లు టాక్. ఇలా ముగ్గురికి రెమ్యునరేషన్ 65 కోట్లు అయింది. ఇక మిగతా ఆర్టిస్టులు, టెక్నీషియన్లకు ఇచ్చే పారితోషికం కలుపుకుంటే వందకోట్లు దాటేలా ఉంది. ఇక ఈ చిత్రం పూర్తి అయ్యేలోపున బడ్జెట్ 150 కోట్లకు చేరుకుంటుందని సినీ విశ్లేషకులు చెబుతున్నారు. ఇక ఈ ఫిల్మ్ మొదలు ఎప్పుడు? అనే ప్రశ్న అందరినోటా వినిపిస్తోంది. అందుకు సమాధానం త్వరలో దొరకనుంది.

Also, do SUBSCRIBE to our YouTube channel to get latest Tollywood updates.