తన బాధను వ్యక్తం చేసిన కమల్‌ కామరాజు.. వైరల్ అవుతున్న ట్వీట్!

కమల్‌ కామరాజు.. తెలుగు ప్రేక్షకులకు పరిచయం అవసరం లేని పేరు. ‘ఆవకాయ్‌ బిర్యానీ’, ‘గోదావరి’ ‘జల్సా’ ‘లెజెండ్’ ‘కాటమరాయుడు’ ‘అర్జున్ రెడ్డి’ ‘మహర్షి’ ‘వకీల్ సాబ్’ ‘నాట్యం’ వంటి సినిమాలతో ప్రేక్షకుల్లో మంచి గుర్తింపు తెచ్చుకున్నాడు. హీరోగా కూడా ఒకటి రెండు సినిమాల్లో నటించాడు కానీ.. ప్రేక్షకులు ఇతన్ని హీరోగా యాక్సెప్ట్ చేయలేదు. అయితే ఇతను వివాదాలకు చాలా దూరంగా ఉంటాడు అన్న సంగతి తెలిసిందే. సోషల్ మీడియాలో కూడా ఎక్కువగా కనిపించడు.

ఇతనికి సోషల్ మీడియా ఖాతా ఉంది. కేవలం తన సినిమాలకు సంబంధించిన అప్‌డేట్స్‌ కోసం మాత్రమే దానిని ఉపయోగిస్తూ ఉంటాడు. అయితే మొదటిసారి కమల్‌ కామరాజు ఓ ఎమోషనల్ పోస్ట్ పెట్టాడు.ఆ పోస్ట్ లో ‘నేను పోలీసులకు దొరికిపోయాను’ అంటూ రాసుకొచ్చాడు. ఇది చూసిన నెటిజన్లు.. షాక్ అవుతున్నారు. ఎన్నడూ లేని విధంగా కమల్ ఇలాంటి పోస్ట్ పెట్టాడు ఏంటి? అనే ఆలోచనలో పడ్డారు. కమల్ కామరాజు ఈ పోస్ట్ ద్వారా స్పందిస్తూ..

“అందరికీ చెప్తాను. ఇవాళ నా బైక్ స్పీడు పెంచి దొరికిపోయాను. పొద్దున్నే ఖాళీ రోడ్ చూసి ఆత్రుత ఆపుకోలేక 60లో వెళ్లాల్సిన వాడిని 80లో వెళ్లాను. ఇంత పొద్దున్నే నేను స్పీడుగా వెళ్లడాన్ని గమనించి నాకు చలాన్ పంపిన హైదరాబాద్ ట్రాఫిక్ పోలీసులకు, వారు అభివృద్ధి చేసిన పద్ధతులకు థాంక్స్’’ అంటూ పేర్కొన్నాడు. అందుకు సంబంధించిన ఓ ఫోటోని కూడా షేర్ చేశాడు. ప్రస్తుతం ఈ పోస్ట్ వైరల్ గా మారింది.

అందరికి చెప్తా… ఇవ్వాళా నా బైక్ స్పీడ్ పెంచి దొరికిపోయా . పోదున్నే కాళీ రోడ్ చూసి excite అయ్యి 60 లొ వవెళ్ళాలి 80 లొ వెళ్ళా. kudos to hyderabad traffic police and their advanced methods for capturing and sending me a challan even at such early hours. @hydcitypolice @HYDTP pic.twitter.com/KSuP5rvkVM

— kamal kamaraju ~k k (@kamalkamaraju) January 19, 2023

వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!

‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?