క్రేజీ హీరో విజయ్ దేవరకొండ పెళ్లికాకముందే అల్లుడుగారు అయిపోయారు. పోలీసులు ఈ హీరోని అల్లుడుగారు అని ముద్దుగా పిలుచుకుంటున్నారు. ఎందుకు అలా పిలిచారు? దాని వెనుక ఉన్న కారణం ఏంటో తెలుసుకుందాం… బుధవారం విజయ్ దేవరకొండ పుట్టిన రోజు. ఈ పుట్టిన రోజున మంచి పనిచేశారు. ‘ది విజయ్ దేవరకొండ బర్త్‌డే ట్రక్’ పేరుతో మూడు వాన్స్ ఏర్పాటు చేసి.. హైదరాబాద్ అంతటా తిరుగుతూ ఎండలో కష్టపడుతున్న ట్రాఫిక్ పోలీసులకు, వ్యాపారులకు, విద్యార్థులకు చల్లటి ఐస్ క్రీమ్ అందించారు. ఈ విషయాన్ని ముందుగానే తన ట్విట్టర్ ద్వారా వెల్లడించారు. విజయ్ ట్వీట్ చూసిన ట్రాఫిక్ పోలీసులు వెంటనే రియాక్ట్ అవుతూ.. “గుడ్ ఐడియా..’ పుట్టిన రోజు శుభాకాంక్షలు అల్లుడు గారు” అని ట్వీట్ చేశారు.
అల్లుడుగారు అనేసరికి చర్చనీయాంశమైంది. దీంతో ఆరా తీయగా అసలు విషయం తెలిసింది. విజయ్ దేవరకొండ నటించిన ‘అర్జున్ రెడ్డి’ సినిమాలో హెల్మెట్ లేకుండా విజయ్ బైక్ నడుపుతున్న ఓ ఫొటోతో ‘మరణానికి ముఖ్య కారణం తలకు గాయం కావడమే..’ అంటూ హైదరాబాద్ పోలీసులు అప్పట్లో ట్వీట్ చేశారు అయితే ఇది చూసిన విజయ్ “సారీ మామా.. ఇప్పటి నుండి పక్కా” అంటూ రిప్లై ఇచ్చారు. అప్పుడు మామ అని విజయ్ పిలవడంతో.. అదే విధంగా పోలీసులు ఇప్పుడు అల్లుడు అంటూ పిలిచారు.
