Hyper Aadi: రవితేజ సినిమాలపై ప్రశంసల వర్షం కురిపించిన ఆది!

ఇండస్ట్రీలో మాస్ హీరోగా ఎంతో మంచి గుర్తింపు సంపాదించుకున్నటువంటి రవితేజ త్వరలోనే ఈగల్ సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా సంక్రాంతి బరిలో దిగబోతున్న సంగతి మనకు తెలిసిందే. ఈ క్రమంలోనే ప్రమోషన్ కార్యక్రమాలను కూడా మొదలుపెట్టారు. ఇక ఈ సినిమా ప్రమోషన్లలో భాగంగా ఈగల్ ట్రైలర్ సక్సెస్ సెలెబ్రేషన్, ధమాకా వన్ ఇయర్ అంటూ ఈ ఈవెంట్ నిర్వహించారు. ఈ కార్యక్రమంలో భాగంగా కమెడియన్ హైపర్ ఆది పాల్గొని సందడి చేశారు.

అయితే ఈ కార్యక్రమంలో ఈయన రవి తేజ గురించి మాట్లాడుతూ చేసినటువంటి కామెంట్స్ వైరల్ అవుతున్నాయి రావణాసుర టైగర్ నాగేశ్వరరావు వంటి సినిమాల ద్వారా రవితేజ ప్రేక్షకుల ముందుకు వచ్చి పెద్దగా ఆశించిన స్థాయిలో ఫలితాలను అందుకోలేకపోయారు. ఈ క్రమంలోనే ఎంతోమంది అభిమానులు ప్రయోగాత్మక సినిమాలు వద్దు కమర్షియల్ సినిమాలు చేయండి అంటూ ఆయనకు సలహాలు కూడా ఇస్తున్నారు.

ఈ విషయం గురించి హైపర్ ఆది మాట్లాడుతూ చాలామంది ప్రయోగాత్మక సినిమాలు వద్దు అంటు రవితేజ గారికి సలహాలు ఇస్తున్నారని తెలిపారు. అయితే ఆయన ప్రయోగాత్మక సినిమాలో రాకపోయి ఉంటే కనుక ఒక నా ఆటోగ్రాఫ్ నేనింతే వంటి సినిమాలు ప్రేక్షకుల ముందుకు వచ్చేవి కాదని లవ్ ఫెయిల్యూర్ స్టేటస్ పెట్టుకోవడానికి నా ఆటోగ్రాఫ్ సినిమా ఉండేది కాదని అలాగే జీవితంలో ఫెయిల్ అయిన వారికి ఇన్స్పిరేషన్ గా తీసుకోవడానికి నేనింతే సినిమా కూడా ఉండేది కాదని ఈయన తెలిపారు.

రవితేజ ఇలాంటి ప్రయోగాలు కనుక చేయకపోయి ఉంటే ఒక బాబి,గోపీచంద్ మలినేని, హరీష్ శంకర్ వంటి డైనమిక్ డైరెక్టర్స్ ఇండస్ట్రీకి పరిచయమయ్యేవారు కాదు అంటూ ఈయన తెలిపారు. రవితేజ గారు అలాంటి ప్రయోగాత్మక సినిమాలు చేయటం వల్ల చాలా మందికి మంచే జరిగిందే తప్ప ఎవరికీ చెడు జరగలేదని ఈ సందర్భంగా హైపర్ ఆది (Hyper Aadi) రవితేజ సినిమాల గురించి మాట్లాడుతూ ఈ సందర్భంగా చేసినటువంటి వ్యాఖ్యలు వైరల్ అవుతున్నాయి.

సలార్ సినిమా రివ్యూ & రేటింగ్!

డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!