Hyper Aadi: ఇక పై విమర్శలను ఆపండి..ఆది కామెంట్స్ వైరల్!

బుల్లితెర కమెడియన్ గా ఎంతో మంచి గుర్తింపు సంపాదించుకున్నటువంటి హైపర్ ఆది ప్రస్తుతం వరుస సినిమాలలో కూడా కమెడియన్గా అవకాశాలను అందుకుంటు దూసుకుపోతున్నారు. ఇలా కెరియర్ పరంగా ఎంతో బిజీ అవుతున్నటువంటి ఈయన ఈ మధ్యకాలంలో సినిమా ఈవెంట్లలో పెద్ద ఎత్తున సంచలన వ్యాఖ్యలు చేస్తూ వార్తల్లో నిలుస్తున్న సంగతి తెలిసిందే. తాజాగా కిరణ్ అబ్బవరం హీరోగా నటించిన రూల్స్ రంజన్ సినిమా వేడుకకు ఈయన హాజరయ్యారు. ఈ వేడుకలో భాగంగా మరోసారి సినిమా ఇండస్ట్రీ గురించి నెగిటివ్గా మాట్లాడే వారిపై తనదైన స్టైల్ లో కౌంటర్ ఇచ్చారు

అదేవిధంగా సినిమా ఇండస్ట్రీలో సీనియర్ ఎన్టీఆర్ నుంచి మొదలుకొని కుర్ర హీరోల వరకు ప్రతి ఒక్కరి గొప్పతనం గురించి ఈయన పొగుడుతూ చేసినటువంటి కామెంట్స్ వైరల్ అవుతున్నాయి. చిత్ర పరిశ్రమపై విమర్శలు పెరిగిన నేపథ్యంలో ఇటీవల జాతీయ అవార్డులు సాధించిన వారిని చూపిస్తూ వారిని అభినందిస్తూ విమర్శలు చేసే వారికి ఇదే సమాధానం అని తెలిపారు. తెలుగు చిత్ర పరిశ్రమకు ఎంతో ప్రతిష్టాత్మకమైన అవార్డులు వచ్చాయి.

ఈ అవార్డులు చూసి అయినా ఇకపై విమర్శలు చేయడం మానుకోమ్మని తెలిపారు. ఇక సినిమాల ద్వారా చాలామంది చెడిపోతున్నారు అంటూ వస్తున్నటువంటి వార్తలపై కూడా ఈయన స్పందించారు. సినిమా నుంచి ఎప్పుడు కూడా మంచే తెలుసుకోవాలి కాని చెడుని తీసుకోకూడదని ఈయన వెల్లడించారు.

మీమర్స్ ట్రోలర్స్ పై కూడా ఈయన స్పందిస్తూ వారి క్రియేటివిటీకి హాట్సాఫ్ వారు క్రియేట్ చేసే మీమ్స్ నవ్వుకునేలాగా ఉంటున్నాయని అయితే ఒక్కసారి హద్దులు మీరుతున్నాయి, అందరూ కూడా కాస్త జాగ్రత్తగా ఉండాలంటూ ఈ సందర్భంగా హైపర్ ఆది (Hyper Aadi) మాట్లాడారు.

స్కంద సినిమా రివ్యూ & రేటింగ్!

చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !