పెళ్లి అనగానే దర్శక నిర్మాతలు వెనకడుగు వేస్తున్నారన్న సమంత

క్యూట్ బ్యూటీ సమంతకి టాలీవుడ్ తో పాటు కోలీవుడ్ లోను మంచి ఫాలోయింగ్ ఉంది. రెండు భాషల్లో భారీ హిట్లనే అందుకుంది. లక్కీ గర్ల్ గా పేరు కూడా సంపాదించుకుంది. అయితే ఈ భామకు ఆఫర్లు తగ్గాయట. కారణం కూడా ఆమె చెప్పింది. రీసెంట్ గా సమంత ఓ పత్రికకి ఇచ్చిన ఇంటర్వ్యూ లో మాట్లాడుతూ ” చైతూ తో పెళ్లి ఫిక్స్ అయిందని  కొంతమంది దర్శక నిర్మాతలు నన్ను అడగడానికి వెనకడుగు వేస్తున్నారు. ఇప్పటి నుంచే అక్కినేని నాగార్జున కోడలుగా నన్ను వారు గౌరవిస్తున్నారు.

అయితే వారికి తెలియని విషయం ఏమిటంటే నాగార్జున గారు, చైతూ ఎప్పుడూ నన్ను నటించవద్దని చెప్పలేదు. పెళ్లి అయినా కూడా సినిమాలు ఆపవద్దని ప్రోత్సహిస్తున్నారు. సో సినిమా చేస్తానా? చెయ్యనా? అని ఎవరూ ఆలోచించనవసరం లేదు. మంచి స్టోరీ ఉంటె తెలుగు, తమిళం ఏ భాషలో అయినా సినిమాలు చేస్తాను” అని వివరించింది. తాజాగా ఆమె యంగ్ టైగర్ ఎన్టీఆర్ తో కలిసి నటించనున్నట్లు తెలిసింది. బాబీ దర్శకత్వంలో కళ్యాణ్ రామ్ నిర్మించనున్న మూవీలో హీరోయిన్ గా ఎంపికైనట్లు ఫిల్మ్ నగర్ వాసులు చెప్పుకుంటున్నారు. ఈ విషయంపై రెండు రోజుల్లో క్లారిటీ రానుంది.

Also, do SUBSCRIBE to our YouTube channel to get latest Tollywood updates.