ఐ యామ్ వెయిటింగ్ అంటున్న బన్నీ

March 29, 2020 / 07:36 PM IST

Join Us

ఈ ఏడాది అల్లు అర్జున్ అల వైకుంఠపురంలో రూపంలో భారీ బ్లాక్ బస్టర్ అందుకున్నారు. త్రివిక్రమ్ తెరకెక్కించిన ఈ ఫ్యామిలీ అండ్ ఎమోషనల్ ఎంటర్టైనర్ సంక్రాంతి కానుకగా వచ్చి నాన్ బాహుబలి రికార్డు సొంతం చేసుకుంది. బన్నీకి జంటగా పూజ హెగ్డే నటించిన ఈ చిత్రంలో థమన్ పాటలు విశేష ఆదరణ దక్కించుకున్నాయి. అల వైకుంఠపురంలో చిత్రంతో వచ్చిన విజయంతో మంచి ఊపులో ఉన్న బన్నీ వెంటనే సుకుమార్ మూవీ షూటింగ్ లో పాల్గొనాలని భావించారు.

అల వైకుంఠపురంలో మూవీ ప్రొమోషన్స్, సక్సెస్ మీట్స్ పూర్తయిన అనంతరం సుకుమార్ షూటింగ్ లో పాల్గొనాల్సి ఉంది. సుకుమార్ ఇప్పటికే ఈ మూవీ షెడ్యూల్ ఒకటి పూర్తి చేశారు. ఈ షెడ్యూల్ నందు బన్నీ పాల్గొనలేదు. ఇక ఈ చిత్రం కోసం బన్నీ పూర్తి మేకోవర్ అయ్యారు. కొన్నాళ్లుగా బన్నీ ఈ పాత్ర కోసం జుట్టు, గడ్డం బాగా పెంచేశారు.

12-Allu Arjun

కొద్దిరోజులలో బన్నీ కేరళ షెడ్యూల్ లో పాల్గొనాల్సివుండగా కరోనా వైరస్ కారణంగా బ్రేక్ పడింది. బన్నీ అయితే సుకుమార్ సినిమాలో పాత్ర కోసం పూర్తి మేకోవర్ అయ్యి రెడీగా ఉన్నాడు. మరి సాధారణ పరిస్థితులు ఏర్పడేదెప్పుడో షూటింగ్ మొదలయ్యేదెప్పుడో అర్థం కావడం లేదు. ఎర్ర చందనం స్మగ్లింగ్ నేపథ్యంలో ఈ చిత్రం తెరకెక్కుతుండగా మైత్రి మూవీ మేకర్స్ నిర్మిస్తున్నారు. రష్మిక మందాన ఈ చిత్రంలో హీరోయిన్ గా నటిస్తుంది.