స్పెషల్ సాంగ్స్ కి నో చెబుతున్న కాజల్

టాలీవుడ్ క్వీన్ కాజల్ అగర్వాల్ కోలీవుడ్ ‘క్వీన్’ గా మెప్పించడానికి సిద్ధమవుతోంది. ఈ చిత్రంతో పాటు మరో మూడు సినిమాలు ఆమె చేతిలో ఉన్నాయి. తెలుగులో రానా సరసన “నేనే రాజు నేనే మంత్రి” మూవీ చేస్తోంది. విజయ్ 61 పాటు అజిత్ ‘వివేగం’లో హీరోయిన్ గా నటిస్తోంది. కథానాయిక పాత్రలతో పాటు స్పెషల్ సాంగ్ చేయమని ఇటు తెలుగు, అటు తమిళం చిత్ర పరిశ్రమ నుంచి కాజల్ ని సంప్రదించేవారి జాబితా ఎక్కువగా ఉంది. అయితే వారందరికీ నో అని సమాధానం చెబుతోంది. భారీ రెమ్యునరేషన్ ఆఫర్ చేస్తున్నప్పటికీ ఎందుకు వద్దని చెబుతుందని ఆరా తీయగా అసలు విషయం బయటపడింది.

సినిమాలో ఆ పాటకు పెద్దగా ప్రాముఖ్యత లేదని అంగీకరించటం లేదంట. మరి ‘జనతా గ్యారేజ్’ లో స్పెషల్ సాంగ్ ఎందుకు చేశారాని ప్రశ్నిస్తే .. ఆ పాటకు సినిమాలో ప్రాముఖ్యత ఉండటం వలన మరీ ముఖ్యంగా ఎన్టీఆర్ తో తనకున్న అనుబంధం వలన ఆ పాట చేశానని చెప్పుకొచ్చింది. గ్లామర్ రోల్స్ తో పాటు మంచి సాహసంతో కూడిన క్యారెక్టర్స్ చేయాలనీ ఉందంటూ కాజల్ తన మనసులో మాట బయటపెట్టింది.

Also, do SUBSCRIBE to our YouTube channel to get latest Tollywood updates.