పోకిరి, బిజినెస్ మ్యాన్ .. మహేష్ బాబు కెరీర్లో బ్లాక్ బస్టర్ సినిమాలివి. ఈ చిత్రాలను తెరకెక్కించిన పూరి జగన్నాథ్ దర్శకత్వంలో మళ్ళీ సినిమా ఎప్పుడొస్తుందా అని అభిమానులు ఎదురు చూసారు. ‘జన గణ మన’ కథని మహేష్ కి చెప్పానని పూరి జగన్నాథ్ పోస్ట్ చేయడం, తర్వాత ఆ కథ వేరే వారితో చేస్తాననడం వంటి అనేక మలుపులు తిరిగిన తర్వాత.. ఈ స్టోరీ చివరికి మహేష్ వద్దే ఆగింది. అయన వరుసగా ప్రాజక్ట్ లతో బిజీగా ఉండడంతో నెక్స్ట్ ఇయర్ ఈ చిత్రం పట్టాలెక్కనున్నట్లు తాజాగా తెలిసింది. రీసెంట్ గా ఈ సినిమా గురించి పూరి జగన్నాథ్ మాట్లాడుతూ… “సాధారణంగా ఏ సినిమా స్క్రిప్ట్ అయినా రెడీ చేసుకోవడానికి నాకు 15 రోజులు మాత్రమే పడుతుంది.
అలాంటిది ‘జన గణ మన’ స్క్రిప్ట్ కోసం 2 నెలల సమయం పట్టింది” అన్నారు. “ఈ స్టోరీని మహేశ్ కి వినిపించాను. అతను ఇప్పుడు ద్విభాషా చిత్రాలు చేయడానికి ఆసక్తి కనబరుస్తున్నాడు. అందుకే ‘జనగణమన కూడా రెండు, మూడు భాషల్లో నిర్మించాలని ప్లాన్ చేస్తున్నాం. 2018లో ఈ సినిమా సెట్స్ పైకి వెళుతుంది” అని పూరి జగన్నాథ్ మహేష్ అభిమానుల్లో ఉత్సాహాన్ని నింపారు.
Also, do SUBSCRIBE to our YouTube channel to get latest Tollywood updates.
