చిరు, వెంకీ, మహేష్ లతో సినిమా చేస్తానని చెప్పిన పూరి

తెలుగు చిత్ర పరిశ్రమలో అత్యంత వేగంగా కమర్షియల్ చిత్రాలు తీయగల డైరక్టర్ గా పూరి జగన్నాథ్ పేరు తెచ్చుకున్నారు. యువ హీరోలు, స్టార్ హీరోలకు సూపర్ హిట్స్ ఇచ్చిన పూరి తాజాగా తెరకెక్కించిన రోగ్ గతవారం రిలీజ్ అయి మంచి కలక్షన్స్ రాబడుతోంది. ఈ సందర్భంగా మీడియాతో మాట్లాడుతూ.. ఆసక్తికర సంగతులు వెల్లడించారు. ఆటో జానీ కథను చిరంజీవి పక్కన పెట్టారని తెలిసి అసంతృప్తితో అప్పట్లో దురుసుగా మాట్లాడిన పూరి .. ఈ సారి మెగాస్టార్ పై అభిమానాన్ని చూపించారు. “చిరును ఎలా చూపించాలో నాకు బాగా తెలుసు..  చిరుతో సినిమా చేసి తీరుతా” అని స్పష్టం చేశారు. అలాగే పోకిరి, బిజినెస్ మ్యాన్ కాంబో లో మూవీ వస్తుందని వెల్లడించారు.

‘జనగణమన’ కథను మహేష్ తోనే తీస్తానని చెప్పారు. విక్టరీ వెంకటేష్ కోసం స్క్రిప్ట్ వర్క్ జరుగుతోందని, అది ఫైనల్ కాగానే ప్రాజక్ట్ మొదలు పెడతామన్నారు. ప్రస్తుతం నటసింహ నందమూరి బాలకృష్ణ తో పూరి జగన్నాథ్ సినిమాని తెరకెక్కిస్తున్నారు. మొదటి షెడ్యూల్ పూర్తి చేసుకున్న బాలయ్య 101 వ మూవీ త్వరలోనే సెకండ్ షెడ్యూల్ కి ఫారిన్ వెళ్లనుంది. క్రేజీ కాంబినేషన్లో వస్తున్న ఈ ఫిలిం సెప్టెంబర్ 29న రిలీజ్ కానుంది.

Also, do SUBSCRIBE to our YouTube channel to get latest Tollywood updates.