నేచురల్ స్టార్ నాని ప్రస్తుతం ‘టక్ జగదీష్’ చిత్రంలో నటిస్తున్నాడు. తనకి ‘నిన్నుకోరి’ వంటి సూపర్ హిట్ ను అందించిన శివ నిర్వాణ ఈ చిత్రానికి దర్శకుడు. ఇది పూర్తయిన వెంటనే ‘శ్యామ్ సింగ రాయ్’ చిత్రంలో కూడా నటించడానికి గ్రీన్ సిగ్నల్ ఇచ్చాడు. ‘ట్యాక్సీవాలా’ ఫేమ్ రాహుల్ సంక్రిత్యన్ ఈ చిత్రానికి దర్శకుడు. నాని కెరీర్లోనే హైయెస్ట్ బడ్జెట్ తో ఈ చిత్రం రూపొందనుంది. ఈ రెండు ప్రాజెక్టులతో బిజీగా ఉంటూనే ఇప్పుడు ‘మైత్రి మూవీ మేకర్స్’ నిర్మాణంలో మరో చిత్రం చెయ్యడానికి నాని రెడీ అవుతున్నాడు.
నవంబర్ 13న(రేపు) ఈ ప్రాజెక్టుకి సంబంధించిన అప్డేట్ రానుంది. అందుతున్న సమాచారం ప్రకారం.. ఈ చిత్రాన్ని ‘బ్రోచేవారెవరురా’ ఫేమ్ వివేక్ ఆత్రేయ డైరెక్ట్ చెయ్యబోతున్నాడట. రష్మిక మందన హీరోయిన్ గా ఎంపికైనట్టు కూడా టాక్. గతంలో ‘మైత్రి మూవీ మేకర్స్’ నిర్మాణంలో నాని చేసిన ‘గ్యాంగ్ లీడర్’ చిత్రం ఆశించిన స్థాయిలో విజయం సాధించలేదు. నిర్మాతలకు ఆ చిత్రం కొంత నష్టాలనే మిగిలిచింది. ఆ టైంలోనే నాని వీరికి మరో సినిమా చేస్తానని మాటిచ్చాడట. అందుకే తన 28వ చిత్రాన్ని ఈ నిర్మాతలతో చెయ్యడానికి ఓకే చెప్పినట్టు సమాచారం.
అంతేకాదు ఈ చిత్రం కోసం నాని రూ.8కోట్ల పారితోషికం తో పాటు నాన్ థియేట్రికల్ రైట్స్ లో 20శాతం వాటాను కూడా అందుకోబోతున్నాడని తెలుస్తుంది. ఇటీవల నాని నుండీ వచ్చిన ‘వి’ చిత్రం ప్రేక్షకులను అంతగా ఆకట్టుకోలేదు.అందుకే ఇక నుండీ చేసే సినిమాల విషయంలో నాని చాలా జాగ్రత్తలు వహిస్తున్నట్టు కూడా సమాచారం.
Most Recommended Video
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
