అక్కినేని అఖిల్ హీరోగా ఎంట్రీ ఇచ్చి ఇప్పటికే మూడు సినిమాలు చేశారు. కానీ ఏదీ కూడా సరైన సక్సెస్ ను అందుకోలేకపోయింది. త్వరలోనే అఖిల్ నటించిన ‘మోస్ట్ ఎలిజిబుల్ బ్యాచిలర్’ సినిమా ప్రేక్షకుల ముందుకు రానుంది. అయితే ఈ సినిమాపై పెద్దగా అంచనాలు లేవు. కానీ సినిమా మంచి హిట్ అందుకుంటే మాత్రం అఖిల్ కి కాస్త ఉపశమనం కలుగుతుంది. అయితే అక్కినేని ఫ్యాన్స్ దృష్టి మొత్తం ఇప్పుడు సురేందర్ రెడ్డిపైనే ఉంది.
అఖిల్-సురేందర్ రెడ్డి కాంబినేషన్ లో సినిమా అన్న్స్ చేసినప్పటి నుండి ఈ సినిమాపై అంచనాలు పెరిగిపోయాయి. సురేందర్ రెడ్డి తన సినిమాల్లో హీరోలను చాలా స్టైలిష్ గా సరికొత్త క్యారెక్టరైజేషన్ తో చూపిస్తుంటారు. అఖిల్ ను కూడా అదే రేంజ్ లో చూపిస్తారని.. అఖిల్ కెరీర్ లో ఇదొక గేమ్ చేంజర్ అవుతుందని భావిస్తున్నారు. ఈ నెల 8వ తేదీన, గురువారం నాడు ఈ సినిమా ఫస్ట్ లుక్ లాంచ్ చేయబోతున్నారు. ఈ విషయాన్ని అధికారికంగా వెల్లడించింది చిత్రబృందం.
ఫస్ట్ లుక్ తో పాటు సినిమా టైటిల్ ను కూడా అనౌన్స్ చేయబోతున్నారు. ఈ సినిమా కోసం ఓ పాత సినిమా టైటిల్ ను ఎన్నుకున్నట్లు తెలుస్తోంది. నాగార్జున కెరీర్ లో హిట్టు సినిమాల్లో ఒకటిగా నిలిచిన ‘వారసుడు’ సినిమా టైటిల్ ను అఖిల్ సినిమాకి పెట్టబోతున్నట్లు సమాచారం. కథకు కూడా టైటిల్ సరిపోతుందని భావిస్తున్నారు. స్పై థ్రిల్లర్ నేపథ్యంలో తెరకెక్కనున్న ఈ సినిమాను అనీల్ సుంకర నిర్మిస్తున్నారు. ఈ సినిమాలో మోహన్ లాల్ నటించబోతున్నట్లు వార్తలొస్తున్నాయి.
Most Recommended Video
