నానిని అందరూ బాయ్‌ నెక్స్ట్‌ డోర్‌ అంటుంటారు. అంటే పక్కింటి కుర్రాడిలా కనిపిస్తాడు అని. అంటే నానిని చూస్తే… మన పక్కింటి అబ్బాయే సినిమాల్లో నటిస్తున్నాడు అనిపిస్తుంటుంది. అందుకు తగ్గట్టుగా నాని కూడా అలాంటి సినిమానే చేస్తూ వచ్చాడు. ఏ సినిమా చేసినా మన నానినే కదా అనుకున్నారు ప్రేక్షకులు కూడా. అయితే ఈ లైన్‌ను దాటి చేసిన సినిమాలు బాక్సాఫీసు దగ్గర బోల్తా కొట్టాయి. సినిమాల విషయం పక్కనపెడితే… నాని బయట కూడా అలానే ఉంటాడు.
అంటే డ్రెస్సింగ్‌, నడవడిక, మాటలు, చేతలు అన్నీ పక్కింటి కుర్రాడిలానే ఉంటాయి. అలాంటి నాని ఓ సినిమా ప్రీరిలీజ్‌ ఈవెంట్‌కి సూట్‌ వేసుకొని వస్తే… ఏదో కొత్తగా అనిపిస్తుంది. ఇప్పడు అదే జరిగింది. అంతేకాదు ఆ సూటు వేసుకోవడానికి వెనుకున్న కారణం కూడా చెప్పుకొచ్చాడు నాని. నాని ద్విపాత్రాభినయంలో నటించిన ‘శ్యామ్‌ సింగ రాయ్‌’ విడుదలకు సిద్ధమవుతోంది. ఈ నెల 24న సినిమాను ప్రేక్షకుల ముందుకు తీసుకొస్తున్నారు. ఈ సందర్భంగా చిత్రబృందం ప్రీరిలీజ్‌ ఈవెంట్‌ను నిర్వహించింది. అక్కడికే నాని సూట్‌ వేసుకొని వచ్చాడు.
మామూలుగా నాని ఇలాంటి ఈవెంట్లకు ఫార్మల్‌ డ్రెస్‌ వేసుకొని వస్తుంటాడు. అంటే వైట్‌ కానీ, బ్లాక్‌ గానీ ప్రిఫర్‌ చేస్తుంటాడు. కానీ ఈసారి బ్లాక్‌ ప్యాంట్‌, వైల్‌ షర్ట్‌ వేసుకొని… పైన గ్రే కోట్‌ వేసుకొని వచ్చాడు. దీంతో అభిమానులు, ప్రేక్షకులు కాస్త కొత్తగా ఫీలయ్యారు. నాని ఏంటి ఇలా రావడం ఏంటి అని అనుకున్నారు. విషయం అర్థమైందో ఏమో కానీ… నానినే అసలు విషయం చెప్పేశాడు. దీంతో అందరూ ‘అదా సంగతి’ అనుకుంటూ నవ్వేసుకున్నారు. అయితే నిజమేనా అనే ప్రశ్న కూడా వచ్చింది.
మా ఆవిడ నా కోసం పది బ్లేజర్లు కొనింది. అవి ఎప్పుడు వేసుకోవాలో నాకు తెలియడం లేదు. అందుకే ఇన్నాళ్లూ వేసుకోలేదు. అయినా నేను ఏం పీకానని బ్లేజర్లు వేసుకోవడానికి అని అనిపించింది. దీంతో ఇన్నాళ్లూ ఆ బ్లేజర్లు బయటకు తీయలేదు. దీంతో అవి ఇంట్లో దుమ్ము పట్టి అలానే ఉండిపోయాయి. కానీ ‘శ్యామ్‌ సింగ రాయ్‌’ సినిమా ఫస్ట్‌ కాపీ చూశాక… ఈ సూట్‌ వేసుకోవాలని అనిపించింది. దీంతో ఇలా వేసుకొని వచ్చాను. తనతో పాటు యూనిట్ మొత్తం కళ్లల్లో కాన్ఫిడెన్స్ చూసి… ఈ బ్లేజర్‌ వేసుకోవాలని అనిపించిందని నాని చెప్పుకొచ్చాడు.
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
