ఒక భాషలో హిట్‌ అయిన సినిమాను వేరే భాషలో తెరకెక్కిస్తే రీమేక్ అంటారు… ఇదో రకం. ఒక భాషలో హిట్‌ అయ్యి… మిగిలిన భాష్లలోకి డబ్‌ అయిన సినిమాను మళ్లీ తెరకెక్కిస్తే ‘మెగా రీమేక్’ అంటారు. అలాంటిదొకటి ఉందా అంటే… ఉందనే చెప్పాలి. మెగా ఫ్యామిలీలో ఇలాంటివి చేస్తుంటారు. వాళ్లేం చేశారు, చేస్తున్నారు అనేది పక్కనపెడితే… ఇలాంటి సినిమానే చేయాలని అనుష్క అనుకుంటోందని సమాచారం. అంటే మెగా హీరోలను అనుష్క ఫాలో అవుతోందట.
నయనతార ప్రధాన పాత్రలో నటించిన ‘నెట్రికన్’ అనే సినిమా ఇటీవల విడుదలైన విషయం తెలిసిందే. ఓటీటీలో స్ట్రీమ్‌ అయిన సినిమాకు మంచి స్పందనే వచ్చింది. అందులో నయనతార నటనకు మంచి పేరొచ్చింది కూడా. ఇప్పుడు ఆ పాత్రలో నటించాలని అనుష్క అనుకుంటోందట. అవును ఆ సినిమాను తెలుగులోకి రీమేక్ చేసే ఉద్దేశంలో అనుష్క ఉందని టాక్‌. అదేంటి ఆ సినిమా తెలుగులో కూడా డబ్‌ అయ్యింది కదా అంటారా. అదేమరి ‘మెగా రీమేక్’ ఫార్ములా. మరి ఈ సినిమా ఎంతవరకు ముందుకెళ్తుందో చూడాలి.
ముందు మనం చెప్పుకున్నట్లు ఇలాంటి ‘రీమేక్’లు మెగా ఫ్యామిలీకి అలవాటే. పవన్‌ కల్యాణ్‌ ‘కాటమరాయుడు’ సినిమా అజిత్‌ ‘వీరమ్‌’కి రీమేక్. అయితే అంతకుముందే సినిమాను ‘వీరుడొక్కడే’ పేరుతో తెలుగులో డబ్‌ చేసి రిలీజ్‌ చేశారు కూడా. ఇప్పుడు చిరంజీవి కూడా అలాంటి ప్రయత్నం చేస్తున్నారని వార్తలొస్తున్నాయి. ‘ఎంతవాడుగానీ’ సినిమాను రీమేక్ చేయాలని చాలా రోజుల నుండి చూస్తున్నారట. అదీ మేటర్‌.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
