టాలీవుడ్ ఇండస్ట్రీలో ఉన్న టాలెంటెడ్ దర్శకుల్లో కృష్ణవంశీ ఒకరు. తెలుగులో ‘సింధూరం’, ‘నిన్నే పెళ్లాడతా’, ‘అంతఃపురం’, ‘ఖడ్గం’ లాంటి ఎన్నో హిట్ సినిమాలను తెరకెక్కించారు. అయితే గత కొంతకాలంగా కృష్ణవంశీ తీస్తున్న సినిమాలేవీ కూడా వర్కవుట్ అవ్వడం లేదు. ఆయన చివరిగా డైరెక్ట్ చేసిన ‘నక్షత్రం’ సినిమా అయితే డిజాస్టర్ అయింది. దీంతో తన తదుపరి సినిమా కోసం మరిన్ని జాగ్రత్తలు తీసుకొని ‘రంగమార్తాండ’ను మొదలుపెట్టారు. రెండేళ్ల క్రితం మొదలైన ఈ సినిమా ఇప్పటివరకు పూర్తి కాలేదు.
తాజాగా అందుతున్న సమాచారం ప్రకారం ఈ సినిమా సమస్యల్లో పడిందట. అందుకే కృష్ణవంశీ మరో సినిమా చేయాలని నిర్ణయించుకున్నట్లు తెలుస్తోంది. ఆ దిశగా ప్రయత్నాలు కూడా మొదలుపెట్టారట. ప్రకాష్ రాజ్, రమ్యకృష్ణ ప్రధాన పాత్రల్లో నటించిన ‘రంగమార్తాండ’ సినిమా 2019లో మొదలుకాగా.. కరోనా కారణంగా షూటింగ్ ఆగిపోయింది. గతేడాది ఆగిపోయిన ఈ సినిమా షూటింగ్ ఇప్పటివరకు మొదలుకాలేదు. చాలా కాలంగా ఈ సినిమా ప్రొడక్షన్ స్టేజ్ లోనే ఉండిపోయింది. నిర్మాతలకు, దర్శకుడికి మధ్య విభేదాలు రావడంతో సినిమా మధ్యలోనే ఆగిపోయిందని ఇండస్ట్రీ వర్గాల సమాచారం. దీనిపై యూనిట్ వర్గాలు స్పందిస్తాయేమో చూడాలి!
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home