ఇటీవల ‘డిస్కో రాజా’ అంటూ ప్రేక్షకుల ముందుకు వచ్చాడు మన మాస్ మహా రాజ రవితేజ. వి ఐ ఆనంద్ డైరెక్షన్లో తెరకెక్కిన ఈ చిత్రం గత వారం విడుదలయ్యి మిక్స్డ్ టాక్ ను మూటకట్టుకుంది. ఇక మొదటి వారం కలెక్షన్లు కూడా అంతంత మాత్రం గానే ఉన్నాయి కాబట్టి… ఈ చిత్రం బ్రేక్ ఈవెన్ సాధించి క్లీన్ హిట్ గా నిలిచే అవకాశం లేదనే చెప్పాలి. దీంతో రవితేజ ఆశలన్నీ తన తరువాతి సినిమా ‘క్రాక్’ పైనే..! గోపిచంద్ మలినేని డైరెక్షన్లో తెరకెక్కుతోన్న ఈ చిత్రం సమ్మర్ కానుకగా మే 8న విడుదల కాబోతుంది.
అయితే ఈ చిత్రం ఓ తమిళ హిట్ చిత్రానికి కాపీ అని ఇన్సైడ్ టాక్. వివరాల్లోకి వెళితే తమిళంలో క్రేజీ హీరో విజయ్ సేతుపతి హీరోగా తెరకెక్కిన ‘సేతుపతి’ చిత్రం అక్కడ పెద్ద హిట్ అయ్యింది. దాదాపు ఆ చిత్రం స్టోరీ లైన్ నే ‘క్రాక్’ గా తీస్తున్నారని టాక్. నిజానికి ‘సేతుపతి’ చిత్రాన్ని ‘జయదేవ్’ పేరుతో తెలుగులోకి ఎప్పుడో రీమేక్ చేశారు. గంటా శ్రీనివాసరావు కొడుకైన గంటా రవి ఈ చిత్రంలో హీరోగా నటించాడు. జయంత్ సి పరాన్జీ డైరెక్షన్లో తెరకెక్కిన ఈ చిత్రం ఇక్కడ ప్లాప్ అయ్యింది. అయితే ఇదే కాన్సెప్ట్ ని రవితేజ బాడీ లాంగ్వేజ్ కు తగినట్టుగా దర్శకుడు గోపీచంద్ మలినేని తెరకెక్కిస్తున్నాడని సమాచారం. మరి ఈ వార్తలో ఎంత వరకూ నిజముందో తెలియాల్సి ఉంది.
అల్లు అర్జున్ ఆస్తుల వివరాలు
అత్యధిక లాభాలు తెచ్చిపెట్టిన మీడియం రేంజ్ హీరోల సినిమాలు ఇవే..!
Home
