యంగ్ టైగర్ జూనియర్ ఎన్టీఆర్ (Jr NTR) , కొరటాల శివ (Koratala Siva) కాంబినేషన్ లో తెరకెక్కిన దేవర (Devara) నిర్మాతలకు, డిస్ట్రిబ్యూటర్లకు, బయ్యర్లకు మంచి లాభాలను అందించింది. ఒక ఇంటర్వ్యూలో జూనియర్ ఎన్టీఆర్ మాట్లాడుతూ దేవర ఫలితం విషయంలో సంతోషంగా ఉన్నానని దేవర సీక్వెల్ కచ్చితంగా ఉంటుందని అన్నారు. ఇప్పటికే కథను సిద్ధం చేశామని ఆ స్క్రిప్ట్ ను ఇంకా బాగా రాసుకోవాలని తారక్ చెప్పుకొచ్చారు. దేవర సీక్వెల్ లో రెండు మేజర్ సన్నివేశాలకు సంబంధించిన షూట్ ఇప్పటికే పూర్తైందని జూనియర్ ఎన్టీఆర్ వెల్లడించారు.
దర్శకుడు కొరటాల శివకు నెలరోజులు రెస్ట్ తీసుకోవాలని సూచించానని తారక్ అన్నారు. నెల రోజుల తర్వాత దేవర2 వర్క్ మొదలుపెట్టమని చెప్పానని జూనియర్ ఎన్టీఆర్ వెల్లడించారు. దేవర సీక్వెల్ పార్ట్1 ను మించి గొప్పగా ఉంటుందని తారక్ పేర్కొన్నారు. “దేవర పార్ట్2 విల్ బి బిగ్గర్ & బెటర్” అనే కామెంట్లతో తారక్ ఈ సినిమా దేవర1 కు మించి ఉంటుందని చెప్పకనే చెప్పేశారు.
జూనియర్ ఎన్టీఆర్ దేవర2 సినిమాను సైతం వీలైనంత వేగంగా సెట్స్ పైకి తీసుకెళ్లే ప్రయత్నం చేస్తున్నారని కామెంట్లు వ్యక్తమవుతున్నాయి. ఎన్టీఆర్ కెరీర్ ప్లాన్స్ మాత్రం అభిమానులకు ఎంతగానో ఆనందాన్ని కలిగిస్తున్నాయనే చెప్పాలి. దేవర సీక్వెల్ కోసం యంగ్ టైగర్ జూనియర్ ఎన్టీఆర్ అభిమానులు ఆసక్తిగా ఎదురుచూస్తున్నారు. దేవర సీక్వెల్ బ్యాక్ డ్రాప్ కూడా భిన్నంగా ఉంటుందని ఇండస్ట్రీ వర్గాల్లో వినిపిస్తోంది.
సీక్వెల్ తో కొరటాల శివ ఏ రేంజ్ లో ప్లాన్ చేశారో చూడాలి. దేవర సక్సెస్ కొరటాల శివకు ఏ రేంజ్ లో ఆనందాన్ని కలిగిస్తుందో సక్సెస్ మీట్ లో ఆయన కామెంట్స్ వింటే అర్థమవుతుంది. ఎన్టీఆర్ ఆర్ట్స్ బ్యానర్ ను టాలీవుడ్ టాప్ బ్యానర్లలో ఒకటిగా నిలిపేలా తారక్ కష్టపడుతున్నారు. దేవర సీక్వెల్ బాక్సాఫీస్ ను షేక్ చేయాలని ఫ్యాన్స్ భావిస్తున్నారు.
Home