Pushpa 2: ‘పుష్ప 2’ ఐటెమ్‌ సాంగ్‌… పెద్ద తలనొప్పే వచ్చిపడిందింగా!

కొత్తగా గీత గీయడం సులభం… దాని పక్కన పాత గీతకు మించిన గీత గీయడం అంత ఈజీ కాదు. ప్రస్తుతం ఇదే పనిలో ఉన్నారు సుకుమార్‌ – అల్లు అర్జున్‌. ‘పుష్ప’ అంటూ ఓసారి వచ్చి అదిరిపోయే పాన్‌ ఇండియా విజయాన్ని అందుకున్నారు. ఇప్పుడు రెండో పార్టు సిద్ధం చేస్తున్నారు. అయితే ఇప్పుడు పాయింట్ ఆ సినిమా కాదు. ఆ సినిమాలో ఓ అంశం మాత్రమే. అదే ఐటెమ్‌ సాంగ్‌. ఇటీవల కాలంలో ఈ పేరు ఎత్తితే వినిపించే పాట ‘ఉ అంటావా మావ… ఊఊ అంటావా మావా..’.

సమంత, అల్లు అర్జున్‌ల ఎనర్జిటిక్ మూమెంట్స్, దేవిశ్రీప్రసాద్‌ మ్యూజిక్‌ ఆ రేంజిలో ఉంటాయి మరి. ఇప్పుడు ఈ చర్చ ఎందుకు అంటే ‘పుష్ప 2’ సినిమాలో కూడా అలాంటి ఓ ఐటెమ్‌ సాంగ్‌ ఉంది. ఈ విషయం చాలా రోజుల క్రితమే చెప్పేశారు. అయితే ఆ పాట ఎలా ఉంటుంది, తొలి పాటను మించి ఉంటుందా? అనేదే ప్రశ్న. ఎందుకంటే తొలి సినిమాలో ఆ పాటకు సమంత డ్యాన్స్‌ చేసింది. ఇప్పుడు ఆ స్థాయి స్టార్‌ హీరోయిన్‌ను తీసుకొస్తారు అని అన్నారు. కానీ ఐటెమ్‌ భామనే తెస్తున్నారట.

టాలీవుడ్‌లో ఇటీవల కాలంలో ఐటెమ్‌ సాంగ్స్ అంటే ఠక్కున గుర్తొచ్చే భామ ఊర్వశీ రౌటేలానే ఇప్పుడు ‘పుష్ప 2’లో ఐటెమ్‌ సాంగ్‌ చేస్తోంది. ఆమె హొయల సంగతి మన కుర్రకారుకు తెలిసిందే. అయితే స్టార్‌ హీరోయిన్‌ చేసిన పాటను ఓవర్‌ టేక్‌ చేయడం ఆమెకు సాధ్యమేనా అనేది ప్రశ్న. అలాగే అదే స్థాయిలో బీట్‌తో మాస్‌ పాటను దేవిశ్రీప్రసాద్‌ చేస్తారా అనేది చర్చనీయాంశంగా మారింది.

ఇక ఈ సినిమా సంగతి చూస్తే… త్వరలో గుంతకల్లు నల్లమల అడవుల ప్రాంతంలో యాక్షన్ సీక్వెన్స్‌ ప్లాన్ చేస్తున్నారట. ఈ ఓ హై వోల్టేజ్ యాక్షన్‌ సీన్ల కోసం ప్రస్తుతం టీమ్‌ ప్లాన్స్‌ వేస్తోంది. ‘పుష్ప: ది రైజ్‌’లో కూడా ఇలాంటి సన్నివేశాలు చాలానే ఉన్నాయి. (Pushpa 2) ‘పుష్ప: ది రూల్‌’ వచ్చే ఏడాది ఆగస్టులో రిలీజ్‌ అవుతుంది.

మహేష్, చరణ్..లతో పాటు ఈ ఏడాది ఒక్క సినిమాతో కూడా ప్రేక్షకుల ముందుకు రాని హీరోల లిస్ట్

‘హాయ్ నాన్న’ నుండి ఆకట్టుకునే 18 డైలాగులు ఇవే..!
‘ఎక్స్ట్రా ఆర్డినరీ మెన్’ నుండి ఆకట్టుకునే 20 డైలాగులు ఇవే..!