సూపర్ స్టార్ మహేష్ బాబు పోకిరి సినిమాలో “ఇప్పటికింకా నా వయసు” అనే ఐటెం సాంగ్ సినిమా కలక్షన్ లో కీలక పాత్ర పోషించింది. ఆ తర్వాత నుంచి మాస్ అభిమానులకోసం తప్పకుండా ఓ ఐటెం సాంగ్ ఉండేలా చూసుకున్నారు. అయితే అతని గత చిత్రం భరత్ అనే నేను సినిమాలో ఈ స్పెషల్ సాంగ్ మిస్ అయింది. డైరక్టర్ కొరటాల శివ మాస్ పాట పెడదామని ఒత్తిడి తెచ్చినప్పటికీ.. మెసేజ్ ఓరియెంటెడ్ మూవీ కావడంతో మహేష్ వద్దన్నారు. ఈ విషయంలో మాస్ ఆడియన్స్ డిజప్పాయింట్ అయ్యారు. ఈ సారి ఆ లోటు ఉండదు. ప్రస్తుతం వంశీ పైడిపల్లి దర్శకత్వంలో మహేశ్ బాబు సినిమా చేస్తున్నారు. ఈ సినిమా షూటింగ్ కొన్ని రోజులుగా “డెహ్రాడూన్” లోని ఓ కాలేజీల్లో జరుగుతోంది. ఈ షూటింగ్ లో హీరోయిన్ పూజా హెగ్డే కూడా పాల్గొంటోంది.
ఇలా చిత్ర యూనిట్ బిజీగా ఉంటే రాక్ స్టార్ దేవీ శ్రీ ప్రసాద్ మాత్రం అదిరిపోయే ఐటెం సాంగ్ ని కంపోజ్ చేసారంట. అది విన్న దర్శకనిర్మాతలు ఫుల్ ఖుషీ అయిపోతున్నారు. మహేష్ కి తప్పకుండా నచ్చుతుందని భావిస్తున్నారు. అతను ఒకే అంటే అందులో స్టెప్పులు వేయడానికి అందమైన హీరోయిన్ ని మాట్లాడనున్నారు. సో మహేష్ 25 మూవీలో అభిమానులకు కోరుకునే అన్ని ఉండనున్నాయి. దిల్ రాజు, అశ్వినీదత్ కలిసి నిర్మిస్తున్న ఈ చిత్రంలో అల్లరి నరేష్ మహేష్ మిత్రుడిగా కనిపించబోతున్నారు. అత్యధిక భాగం అమెరికాలో షూటింగ్ జారుకోనున్న ఈ మూవీపై భారీ అంచనాలున్నాయి.
Home