టాలీవుడ్ ఇండస్ట్రీలో హీరోగా ఎంతో మంచి సక్సెస్ అందుకున్నటువంటి జగపతిబాబు ప్రస్తుతం సెకండ్ ఇన్నింగ్స్ ప్రారంభించి విలన్ పాత్రలలోను సపోర్టింగ్ పాత్రలలో నటిస్తూ ఎంతో బిజీగా ఉన్నారు. హీరోగా పొందిన గుర్తింపు కంటే ప్రస్తుతం తనకు ఎంతో మంచి గుర్తింపు లభించింది అంటూ జగపతిబాబు సంతోషం వ్యక్తం చేశారు. ఇలా కెరియర్ పరంగా ఎంతో బిజీగా ఉండే జగపతిబాబు సోషల్ మీడియాలో కూడా చాలా యాక్టివ్ గా ఉంటారు. సోషల్ మీడియా వేదికగా తరచు తనకు సంబంధించిన అన్ని విషయాలను అభిమానులతో పంచుకుంటారు.
అలాగే తన ఇంట్లో చేసే పనులన్నింటికీ సంబంధించిన వీడియోలు ఫోటోలను కూడా ఈయన అభిమానులతో షేర్ చేసుకుంటారు. అయితే తాజాగా అభిమానుల గురించి ఈయన సోషల్ మీడియా వేదికగా షేర్ చేసినటువంటి పోస్ట్ ప్రస్తుతం వైరల్ గా మారింది. ఈ సందర్భంగా జగపతిబాబు అభిమానులను ఉద్దేశిస్తూ .. అందరికీ నమస్కారం గత 33 సంవత్సరాల నుంచి ఇండస్ట్రీలో ఎదుగుదలకు ఎంతో ప్రోత్సహించిన కుటుంబ సభ్యులు శ్రేయోభిలాషులు అలాగే అభిమానులు కూడా కారణం.
అభిమానులు నన్ను సొంత కుటుంబ సభ్యులుగా భావించి ప్రతి ఒక్క విషయంలోనూ నాకు ఎంతో మద్దతుగా నిలిచారు.. అభిమానులు అంటే అభిమానం ప్రేమను పంచేవారు అని చాలా మనస్పూర్తిగా నమ్మను. ఒక బాధాకరమైన విషయం ఏమిటి అంటే కొంతమంది అభిమానులు ప్రేమ కంటే ఆశించడం ఎక్కువైంది. కొంతమంది అభిమానులు నన్ను ఇబ్బందులకు గురి చేసే పరిస్థితికి తీసుకువచ్చారు.
ఇష్టం లేకపోయినా మీకు చెప్పాల్సిన విషయం ఏమిటంటే ఇకపై అభిమాన సంఘాలకు, ట్రస్టులతో నాకు ఏ విధమైనటువంటి సంబంధం లేదు. వాటి నుంచి నేను దూరంగా ఉంటున్నానని కేవలం ప్రేమించే వారికి మాత్రం ఎప్పుడూ నా సపోర్ట్ ఉంటుంది అంటూ ఈ సందర్భంగా (Jagapathi Babu) ఈయన చేసినటువంటి ఈ పోస్ట్ వైరల్ అవుతుంది.
మ్యాడ్ సినిమా రివ్యూ & రేటింగ్!
ది గ్రేట్ ఇండియన్ సూసైడ్ సినిమా రివ్యూ & రేటింగ్!
మామా మశ్చీంద్ర సినిమా రివ్యూ & రేటింగ్!
Home
